2 REYES 10:21 - Dios Rimashcata Quillcashcami

²¹ Jehuca tucui Israel llactatami cayachun cacharca. Shina cayacpimi, Baal diosta serviccunaca shucllapish mana saquirishpa tucui shamushpa, Baal diosta yuyarina huasipica shuc cuchumanta caishuc cuchucaman jundarca.

2 REYES 10:21 Referans Kwoze

1 REYES 16:32

Baal diosman Samaria pueblopi ruhuashca huasipimi Baal diosman shuc altarta ruhuarca.

APOCALIPSIS 16:16

Chai millai espiritucunaca hebreo rimaipi Armagedón nishca pambapimi tucui mandaccunata tandachirca.

JOEL 3:2

tandachishpami, Josafat pambaman cachasha. Chaipimi ñuca acllashca israelcunata llaquichiccunataca ñucapish taripashpa llaquichisha. Paicunami ñuca acllashcacunataca shuctac llactacunaman caita chaita cachashpa, ñuca allpatapish chaupinacurca.

2 REYES 11:18

Chai quipaca, chai llactapi causac tucui gentecunami Baal diospac huasiman yaicushpa, tucui urmachirca. Shinallatac chai ucupi tiyac altarcunata, imamanpish riccha tucui dioscunatapish paquishpa, Baal diosta servic Matán curatapish altar cuchupi huañuchirca. Chai quipaca Joiada curaca Mandac Diospac huasita cuidachunmi soldadocunata churarca.

JUECES 16:27

Chai jatun huasipica caricunapish, huarmicunapish, jundami carca. Shinallatac filisteocunata pushaccunapish, tucuimi chaipi tiyacurca. Huasi jahuapica quimsa huaranga gentecunami Sansonta burlashpa asicurca.

2 REYES 10:22

Chaipimi Jehuca churanata cuidac runataca: «Baal diosta tucui serviccuna churarichun, churanata llucchimuichic» nirca. Shina nicpimi, paicunaman churanacunata llucchimurca.