2 REYES 10:13 - Dios Rimashcata Quillcashcami

¹³ Chaipimi Judá llactata jatun mandac Ocoziaspac huauquicunahuan tuparca. Paicunataca: —Cancunaca, ¿pitac canguichic?— nirca. Shina nicpimi paicunaca: —Ñucanchicca Ocoziaspac huauquicunami canchic. Jatun mandacpac churicunata, jatun mandac Jezabelpac huahuacunata allillachu canguichic ningapacmi shamurcanchic— nirca.

2 REYES 10:13 Referans Kwoze

2 REYES 8:29

Jatun mandac Joramca siriocunahuan macanacushpa, chugrichishcata jambiringapacmi Jezreel puebloman cutirca. Paitaca Siria llactata jatun mandac Hazaelhuan macanacungapac ricpimi, Ramot pueblopi chugrichishca carca. Acabpac churi Joram ungushca cacpimi, Judá llactata jatun mandac Jorampac churi Ocoziasca Jezreel pueblopi ricungapac rirca.

2 REYES 8:24

Joram huañushpa, paipac ñaupa taitacunahuan tandarigricpica, paipac taitacuna enterrashcapimi Davidpac pueblopi enterrarca. Paipac randica paipac churi Ocoziasmi mandai callarirca.

2 CRÓNICAS 21:17

Paicunaca Judá llactapi causaccunahuan macanacungapac huichai rishpami, paicunata mishashpa, jatun mandacpac huasipi ima tiyashcacunatapish, paipac churicunatapish, paipac huarmicunatapish aparcacuna. Paipac churicunamantaca tucuipac quipa Joacazllami saquirirca.

2 REYES 10:12

Chai quipaca Samaria puebloman ricushpami, michiccuna ovejata rutuna huasiman chayarca.

2 REYES 10:14

Shina nicpimi paica: «¡Paicunataca causacta prezuichic!» nirca. Shina nicpimi, causacta prezushpa, michiccuna ovejata rutuna ladopi tiyac jundu ladopi chuscu chunga ishcai caricunata cungata pitishpa, shucllatapish mana saquishpa tucui huañuchirca.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.