2 REYES 1:17 - Dios Rimashcata Quillcashcami

¹⁷ Mandac Dios Eliasta nishca shinallatacmi Ocoziasca huañurca. Ocoziasca mana churita charircachu. Chaimantami Israel llactaca Joram mandai callarirca. Josafatpac churi Joramca ishcai huatatami Judá llactataca mandarca.

2 REYES 1:17 Referans Kwoze

2 REYES 3:1

Jatun mandac Josafat chunga pusac huatata mandacucpimi, Acabpac churi Joramca Israel llactata mandai callarirca. Paica chunga ishcai huatatami Samaria llactataca mandarca.

1 REYES 22:51

Judá llactata jatun mandac Josafat chunga canchis huatata mandacucpimi, Acabpac churi Ocoziasca Israel llactata Samaria pueblopi mandai callarirca. Paica ishcai huatatami Israel llactata mandarca.

2 REYES 1:18

Ocoziaspac shuctac ruhuashcacunapish Israel llactata jatun mandaccuna imata ruhuashcacunata quillcashcapimi ashtahuan tiyacun.

DEUTERONOMIO 34:5

Mandac Diosta servic Moisesca pai nishca shinami Moab llactapi huañurca.

1 REYES 17:16

Eliasman Mandac Dios huillashca shinallatacmi puñupi tiyac harinapish, pomapi tiyac aceitepish mana tucurirca.

1 REYES 22:38

Chai carretataca Samaria pueblopi cac yacu junduman apashpami jahuarcacuna. Chai jundupimi cullquimanta huainayac huarmicunaca jahuari carcacuna. Mandac Dios nishca shinami paipac yahuartaca allcucuna lambirca.

1 REYES 22:42

Josafatca quimsa chunga pichca huatayuc cashpami mandai callarirca. Paica ishcai chunga pichca huatatami Jerusalenpi mandarca. Paipac mamaca Silhipac ushi Azubami carca.

2 REYES 9:36

Chaita ricushpa Jehuman huillangapac cutimucpica: —Mandac Dios tisbitapuramanta paita servic Eliasman huillashpaca: “Jezreel pambapimi Jezabeltaca allcucuna micunga.

2 REYES 10:17

Jehú Samaria puebloman chayashpaca, Mandac Dios Eliasman huillashca shinami, chai pueblopi saquirishca Acabpac huasi ucupuracunataca tucui huañuchirca.

2 CRÓNICAS 17:1

Asa huañucpica, paipac churi Josafatmi Judá llactata mandai callarirca. Paica sinchitami israelcunahuanca shayarirca.