2 PEDRO 3:15 - Dios Rimashcata Quillcashcami

¹⁵ Apunchic Jesús pai llaquishcamanta maijanpish quishpirichun nishpa, mana utca shamushpa shuyacushcataca yuyarichicyari. Caicunallamantatacmi ñucanchic cuyashca huauqui Pablopish, Dios yuyaita cucpi cancunamanca ña quillcarca.

Nuevo Testamento en Quichua Cañar 1996

¹⁵ Apunchic Jesús pai llaquishcamanta maijanpish quishpirichun nishpa, mana utca shamushpa shuyacushcataca yuyarichicyari. Caicunallamantatacmi ñucanchic c'uyashca huauqui Pablopish, Dios yuyaita cucpi cancunamanca ña quillcarca.

2 PEDRO 3:15 Referans Kwoze

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

2 PEDRO 3:9

Maijancunaca: “Apunchic Jesusca mana utca cutimungachu” nincunami. Shina cacpipish cancunata llaquishcamanta, shucllapish ama chingarishpa Diosman tigrarichun nishpami, paica manarac cutimun.

1 TIMOTEO 1:16

Jesucristo llaquic cashcata ricuchunmi, yallita ñuca juchayuc cacpipish, Diosca ñucata llaquirca. Chashnami maijanpish Jesusta crishpa huiñai causaita japina cashcata ricuchingapac ñucataca acllarca.

1 PEDRO 3:20

Chai almacunaca ñaupa taita Noé huambuc huasita ruhuangacaman, Dios manarac piñarishpa, shuyacui punzhacunapi mana cazuc gentecunami carca. Chai punzhacunaca pusaccunallami yacullapitac quishpirircacuna.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

HECHOS 15:25

Chaimantami ñucanchic tucui mashna alli yuyarishpa, ñucanchicpurallamantatac cai huauquicunata cancunapacman cachanata yuyarircanchic. Paicunatami ñucanchic cuyashca Bernabehuan, Pablohuan cachanchic.

1 CORINTIOS 2:13

Chaimantami ñucanchicca mana ñucanchic yuyaillamanta ashtahuanpish Diospac Espíritu yuyaita cushcallatac rimanchic. Shina cashpami Diospac Espíritu yuyaita cushcallata Paimanta munaccunamanca yachachinchic.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ESDRAS 7:25

Shinallatac can Esdrasca cambac Diosmanta yachac cashca shinallatac, jatun yacu chimba ladopi causaccunata, Dios mandashcata tucui yachaccunata mandachun juezcunata, mandaccunata churangui. Chai mandashcacunata maijan mana yachacpica yachachingui.

1 REYES 4:29

Diosca alli yuyaita, alli entendishpa causanata shungupi yuyarinatami Salomonmanca mama cucha yacu patapi tiyac tio shina yallita jatun yuyaita curca.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

EFESIOS 3:3

Diosca pi mana yachashcatami ñucamanca yachachirca. Chaitaca ñami ashallatapish huillashpa quillcarcani.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

1 CORINTIOS 3:10

Dios paipac cuyaimanta cayacpimi, huasichic shina pircai callarircani. Callari pircata ñuca ruhuashca quipaca, shucmi pircata churashpa caticun. Chai pircata churaccunaca, tucuimi quiquinllatac ima shina churacushcata ricuna can.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

ÉXODO 35:35

Paicunatami imatapish sumacta ruhuachun, alli yachac cachun churarca. Azul, morado, sani puca puchcamanta, alli lino puchcamanta ahuashpa, sumacta bordashpa, tucuilaya ruhuanacunata paicunapac yuyaihuan ruhuaccunatami churarca.

ÉXODO 35:31

Paipac Espirituta cushpami, tucuipi alli yachachishpa, imata ruhuanapipish alli yuyaita cushpa, yuyaisapata ruhuashca.

ÉXODO 31:6

Chashnallatac Dan aillupuramanta Ahisamacpac churi Aholiabtami Bezaleelta ayudachunca acllarcani. Tucui ñuca imata ruhuachun nishcacunata ruhuachunmi, tucui artesanocunaman yachai Espirituta curcani.

ÉXODO 31:3

Ñucami, ñuca Espirituhuan paitaca tucuipi yuyaisapata, alli yachacta, quiquin yuyaihuan imatapish allita ruhuacta ruhuarcani.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

HECHOS 9:17

Ananías Saulo tiyacuc huasiman rishpa, Saulopac uma jahuapi maquita churashpaca: —Huauqui Saulo, can caiman shamucucpi, ricuric Apunchic Jesusmi, cambac ñahui cutin ricuchun, shinallatac Diospac Espíritu cambac shungupi junda cachun, cambacman cacharca— nirca.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.