2 PEDRO 2:7 - Dios Rimashcata Quillcashcami

⁷ Shina cashpapish millaita ruhuashpa causac gentecunata ricushpa, llaquirishpa cashcata ruhuashpa causac Lotllatami quishpichirca.

Nuevo Testamento en Quichua Cañar 1996

⁷ Shina cashpapish Lotllatami quishpichirca. Lotca millaita ruhuashpa causac gentecunata ricushpaca, llaquirishpami cashcata ruhuashpa causac carca.

2 PEDRO 2:7 Referans Kwoze

GÉNESIS 19:16

Lot mana utcacpimi, chai ishcai angelcunaca Mandac Dios llaquishcamanta paitapish, paipac huarmitapish, ishcai ushicunatapish maquimanta aisashpa, chai llactamanta canzhaman llucchirca.

GÉNESIS 19:29

Chashna chai pueblocunata, pambacunata tucuchishpapish Diosca Abrahamta yuyarishpami, Lotta chingarigricuc pueblomanta llucchishpa quishpichirca.

2 PEDRO 3:17

Chaimanta cuyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli caticushcata saquishpa paicunata mana catingapacca, allimi huacaichirina canguichic.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

GÉNESIS 19:22

Chaipi utca miticungapac callpai. Can chaiman chayangacamanca, imata mana ruhuashachu— nirca. Chai llacta uchilla cashcamantami Zoar shuti saquirirca.

SALMOS 120:5

¡Aij ñucalla, Mesec llactapimi causacuni! ¡Cedar llactapi causaccunapac carpa huasicuna chaupipimi causacuni!

GÉNESIS 19:5

Chaipimi Lotta cayashpaca: —¿Maipitac cunan tuta cambacman shamuc runacunaca? ¡Paicunahuan sueñungapac canzhaman llucchi!— nirca.

2 PEDRO 2:2

Taucacunami paicuna mana alli causacuc shinallatac causangacuna. Chaimantami cashcata nic huillashcata catinatapish mana allichu nishpa rimangacuna.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.