2 PEDRO 2:21 - Dios Rimashcata Quillcashcami

²¹ Dios cushca alli huillaita uyashca jahua cutinllatac saquinapac randica, Dios munashca shina causanata mana ricsishca cashpachari, ashtahuan alli canman carca.

Nuevo Testamento en Quichua Cañar 1996

²¹ Taita Dios cushca alli huillaita uyashca jahua cutinllatac saquinapac randica, Dios munashca shina causanata mana ricsishca cashpachari, ashtahuan alli canman carca.

2 PEDRO 2:21 Referans Kwoze

EZEQUIEL 18:24

Ashtahuanpish cashcata ruhuac runa, allita ruhuanata saquishpa millaita ruhuaccuna shina causashpaca, ¿causangachu? Pai cashcata ruhuac cashcataca mana yuyarishachu. Ashtahuanpish pai ñucata mana cazushpa, millaita ruhuashcamantaca huañungami.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

EZEQUIEL 3:20

Shinallatac cashcata ruhuac runa cashcata ruhuanata saquishpa, millaita ruhuangapac cuticpica, mitcarishpa urmanatami churasha. Pai alli tucuchun, can mana rimacpica, paipac juchamantami huañunga. Pai cashcata ruhuashcataca mana yuyarishachu. Ashtahuanpish pai huañushcamantaca cantami juchanchisha.

SAN LUCAS 12:47

Maijan servicpish amo mandashcata uyashca jahua, mana cazushpa mana ruhuashcamantaca, yallitami macashpa, llaquichishca canga.

SAN JUAN 15:22

Ñuca mana shamushca cacpi, paicunata mana rimashca cacpica, mana juchayucchu canman carca. Ashtahuanpish cunanca paicunapac juchamantaca mana quishpiri pudincunachu.

1 TESALONICENSES 4:2

Apunchic Jesús mandacpi, ñucanchic cancunata yachachishcataca ña yachanguichicmi.

SAN JUAN 9:41

Shina nicpimi Jesusca: —Ñahui mana ricuccuna cashpaca, manachari juchayuccuna canguichicman. Ashtahuanpish “ricushpami causacunchic” nishcamantacarin, juchayuccunami canguichic— nirca.

SOFONÍAS 1:6

Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.

SAN MATEO 21:32

Chaica, Bautizac Juan cashcata ruhuanata yachachingapac shamucpica, cancunaca mana crircanguichicchu, ashtahuanpish impuestota japiccunarac, cullquimanta huainayac huarmicunaracmi crirca. Cancunaca chaita ricushpapish Juanta mana crircanguichicchu, llaquirishpa mana Diosman cutirircanguichic— nirca.

PROVERBIOS 16:31

Runaca cashcata ruhuashpa causashpami, coronata chasquic shina yuyacyan.

ROMANOS 7:12

Shinaca, mandashcacunaca Dios cushcami. Mandashcacunaca allimi, cashcata nicmi, Dios cachashcami.

EZEQUIEL 23:13

Paicunahuan chashna mapayashpa, ishcai ñañandita mana allita ruhuashpa caticuctami ricurcani.

PROVERBIOS 12:28

Cashcata ruhuanaca causaiman pushac ñanmi. Chai ñanpica huañuipish mana tiyanchu.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

SALMOS 85:8

Mandac Dios rimashcata uyashami. Pai acllashcacunamanca cushi causaitami huillanga. Paipacllacuna imapish mana allita ama ruhuachun, ima mapapipish ama urmachunmi rimanga.

EZEQUIEL 33:13

Ñuca cashcata ruhuac runata: ¡Causanguitacmi! nicpi, pai ‘cashcata ruhuacmi cani’ yuyashpami, juchata ruhuanga. Shina ruhuashpaca huañungami. Pai cashcata ruhuashcataca mana yuyarishachu. Ashtahuanpish mana allita ruhuashcamantaca huañungami.

GÁLATAS 6:2

Caishuc chaishuc llaquicunata apanata ayudanacushpami, Cristo mandashcataca pactachinguichic.

1 TIMOTEO 6:14

Cantaca ñucanchic Apunchic Jesucristo cutimungacaman, cai tucui nishcacunata pactachishpa, allita cazushpa ruhuachunmi mandani. Chashna ruhuacpica, pipish mana juchanchingachu.

HEBREOS 10:26

Cashcata nic huillashcata yachashca jahua juchata ruhuashpaca, quishpiringapacca imata mana cui pudinchicchu.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

SAN JUDAS 1:3

Cuyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita catina cacpimi, caita quillcani.