2 PEDRO 2:14 - Dios Rimashcata Quillcashcami

¹⁴ Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

Nuevo Testamento en Quichua Cañar 1996

¹⁴ Maijan huarmita ricushpapish, huacllirina yuyaillami cancuna. Chashna cashcamanta juchallinataca manatac shaicuncunachu. Manarac sinchi criccunataca pandachincunallami. Paicunaca tucuita atishpa imatapish charinallatac munaccunami, shinallatac Dios mana ricunachishca gentecunami.

2 PEDRO 2:14 Referans Kwoze

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

2 PEDRO 3:16

Tucui pai quillcashcallapitacmi Pabloca caicunamanta rimashpa quillcashca. Shina cacpipish maijan quillcacunata mana entendipactac quillcashca cacpimi, cai quillcacunatapish, Dios quillcachishca shuctac quillcacunatapish imata mana yachac, manarac sinchi criccunaca shuctacman entendishpa, pandata yachachishpa, paicunallatac chingaringapac ricuncuna.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

1 CORINTIOS 11:19

Cancunapurapi alli cric tiyashcata yachangapacca, chicanyarinacui tiyanami can.

SAN JUAN 5:44

Cancunaca, cancunapura alli ninacunallatami munanguichic, ashtahuanpish shuclla Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

1 JUAN 2:16

Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.

MARCOS 13:22

Chai llulla cristocuna, llullac huillaccunami ricuringa. Chaicunaca pandachingapacmi milagrocunatapish, pi mana ricushcacunatapish ruhuashpa ricuchinga. Chashnami Dios acllashcacunatapish pandachisha ninga.

JEREMÍAS 13:23

¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.

SANTIAGO 1:8

Chashna mana shuc yuyailla cac runaca tucui causaipimi mana alli causan.

COLOSENSES 2:18

«Diosta alli cazuccunami canchic» nishpa nic tucuccuna, «angelcunata alli niccunami canchic» niccuna, shinallatac «muscuipi imatapish ricuccunami canchic» niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

PROVERBIOS 6:25

Chai huarmi sumac cacpipish, ama shungupi munanguichu. Paipac sumac ñahuihuan cambac shunguta shuhuachunpish ama saquinguichu.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 5:28

Ashtahuanpish ñucaca: Maijanpish shuc huarmita munashpaca, paipac shungupica ña huainayanmi.

ISAÍAS 65:20

Chaipica asha punzhallata causac huahuacunaca mana tiyangachu. Yuyaccunapish huañuna punzha manarac pactacpica, mana huañungachu. Patsac huatayuc huañushpaca, huambraracmi huañunga. Manarac patsac huatayuc huañushpaca, Dios mana alli nishca juchayuc runa nishcami canga.

ISAÍAS 1:16

Jahuarichic, picharichic. Cancuna mana allita ruhuashcataca ñuca ñaupamanta anchuchichic. Mana allita ruhuanata saquishpa,

JOB 31:9

Shuc huarmita ñuca shungupi munashca cacpi, shuc huarmita inquitangapac chapac cashca cacpica,

JOB 31:7

Alli ñanmanta caruyashca cacpi, ñuca ñahui ricushcata shungupi yuyarishca cacpi, ñuca maquihuan mapayashca cacpica,

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

PROVERBIOS 5:6

Paica causaiman rina ñanta rinataca mana munanchu. Paipac ñan maiman apacushcatapish mana yachanchu. Mana allita ruhuacushcatapish mana yuyarinchu.

EZEQUIEL 13:18

Canca: “Mandac Diosca: ¡Aij, brujocuna maquicunapi huatarina cintata siraccunalla, ñuca acllashcacunata urmachingapac umapi huatarina telata ruhuac huarmicunalla! Cancunaca, ¿ñuca acllashcacunata urmachishpaca quishpiringuichicchu?

SAN MATEO 23:14

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca viuda huarmicunapac huasicunata quichuccunami canguichic. Chashna ruhuashpaca, unaicamanmi Diosta mañac tucunguichic. Chaimantami cancunaca yallita llaquichishca canguichic.