2 PEDRO 2:10 - Dios Rimashcata Quillcashcami

¹⁰ Tucuimanta yallica Mandac Diosca, pai Mandac cachun mana chasquiccunata, mana alli munaihuan catic imapish mapata ruhuaccunatami llaquichinga. Paicunaca mana cazuccuna, imapipish cariyaccuna, shinallatac poderta charic jahua pachamanta mandaccunatapish mana manchashpa camiccuna can.

Nuevo Testamento en Quichua Cañar 1996

¹⁰ Tucuimanta yallica, Mandac Diosca pai Mandac cachun mana chasquiccunatapish, mana alli munaihuan c'atic imapish mapa mana allita ruhuaccunatapish llaquichingami. Paicunaca mana cazuccunami, imapipish c'ariyaccunami, shinallatac imatapish ruhuaclla jahua pachamanta mandaccunatapish mana manchashpa c'amiccunami.

2 PEDRO 2:10 Referans Kwoze

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpami, mana allita rimancuna. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.

SAN JUDAS 1:18

Paicunaca: «Tucuri punzhacunapica, paicuna munashca shina mana alli munaillahuan causashpa, burlaric gentecunami tiyanga» nircacunami.

ÉXODO 22:28

Cancunapac llactapi mandaccunatapish, jueztapish ama llaquichinguichu.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami:

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

EFESIOS 5:5

Maijanpish huainayashpa, ima mapatapish ruhuashpa, shinallatac ruhuashcalla diosta alli nic shinallatac imatapish ashtahuan charina yuyailla causaccunaca, Jesucristopish, Diospish mandacucpica imata mana charingacunachu. Chaitaca yachanami canguichic.

SAN LUCAS 19:14

Pai ña ricpica, chai llacta gentecuna paita piñashpa: “Cai runa ñucanchicta mandachunca, mana munanchicchu” nichun, huillaccunata quipata cacharca.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

HECHOS 23:5

Chashna nicpimi Pabloca: —Huauquicuna, ñucaca pai mandac cura cashcataca mana yachashcanichu. Dios quillcachishcapica: “Llactata mandactaca ama ima millaita rimanguichu” ninmi— nirca.

ECLESIASTÉS 10:20

Jatun mandactaca yuyaillapipish ama maldiciaichu. Charic runatapish pacalla sueñuna ucupi ama maldiciaichu. Huirata ric alasyuc animalcunami chai rimashcata apashpa huillagringacuna.

1 TESALONICENSES 4:7

Diosca mana millaita ruhuashpa causachunchu acllarca, ashtahuanpish jucha illac causachunmi acllarca.

2 CORINTIOS 10:3

Aichayuc, tulluyuc gentecuna cashpapish mana cai pacha gentecuna shinachu macanacunchic.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

SALMOS 12:4

Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.

NÚMEROS 15:30

Ashtahuanpish israelcuna cashpa, shuctac llactamanta shamushca cashpapish yachashca jahua juchallishpaca, ñucatami llaquichin. Chashna ruhuac runaca israelcunapuramanta anchuchishcami canga.

GÉNESIS 49:6

Ñuca shungupica cancuna parlanacushcataca mana chasquishachu. Cancunaca yallita piñarishpami, gentecunata huañuchircanguichic. Huagracunatapish piñallamantami chaquita paquinacurcanguichic.

EFESIOS 4:19

Paicunaca mana pingaccuna cashpami, ima mana allita ruhuashpapish, mana jarcarishpa ruhuancunalla.

2 TIMOTEO 3:2

Chaipica quiquinlla alli canata, cullquita yallimana charinata munaccuna, jatun tucushcacuna, Diosta mana alli nishpa rimaccuna, taita mamata mana cazuccuna, mana pagui niccuna, rumi shungucuna,

SAN LUCAS 11:25

Ña cutimushpaca, pichashpa sumacta allichishcatami tarin.