2 PEDRO 1:5 - Dios Rimashcata Quillcashcami

⁵ Chaimanta cancuna crishcamantaca, allita ruhuanata munaichic. Ña allita ruhuashpaca, allita entendinata munaichic.

Nuevo Testamento en Quichua Cañar 1996

⁵ Chaimanta cancuna criccuna cashpaca, allita ruhuanata munanami canguichic. Ña allita ruhuashpaca, allita entendinami canguichic.

2 PEDRO 1:5 Referans Kwoze

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

2 PEDRO 1:10

Chaimanta cuyashca criccuna, cancunata Dios acllashpa cayashcamantaca, caicunata ashtahuan yuyaipi charishpa causanata munaichic. Chashna causashpami, jaicapi mana urmanguichic.

HEBREOS 6:11

Dios tucui pactachingacaman, chashna allita catichunmi munanchic.

FILIPENSES 1:9

Cancunamanta ñuca Diosta mañacushpaca, ashtahuan cuyaita charichun, shinallatac alli entendishpa Diosmanta allita yachac cachunmi mañani.

2 PEDRO 3:14

Chaimanta cuyashca criccuna, caicunata shuyacushcamantaca, Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

HEBREOS 11:6

Diosman cuchuyangapacca, pai tiyashcatapish, pai ima mañashcata cuc cashcatapish crinami can. Mana crishpaca, Diospac munaita mana ruhuai pudinchu.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

SALMOS 119:4

Dioslla, canmi tucui mandashcacunata pactachichun mandarcangui.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

SAN LUCAS 24:21

Ñucanchicca: ‘Paimi israelcunataca quishpichinga’ nishpami yuyacurcanchic. Shina cacpipish, paita huañuchishcaca ñami quimsa punzha tucun.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana caricuna shina fuerzata charinchu. Chaimanta paicunataca sumacta pushashpa causaichic. Cusacunapish, huarmicunapish Dios cuyashcallamanta cusha nishca, huiñai causaita japichun cayashcacunami canguichic. Chashna causacpimi, Diosca cancuna mañashcataca uyanga.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

SAN LUCAS 16:26

Chaipac jahuapica caimanta cancunapacman, cancunapacmanta caimanca shuc jatun huaicumi tiyan. Chaimantami caiman, chaimanpish, chaimanta caimanpish maita mana pasai pudincuna” nirca.

ZACARÍAS 6:15

Carupi causaccuna shamushpami, Mandac Diospac huasita shayachinata ayudanga. Chaita ricushpami, Mandac Diosllatac cancunapacman ñucata cachashcata yachanguichic. Mandac Dios rimashcata uyashpa cazucpimi, chashnaca tucunga.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.

JOSUÉ 7:3

Josuepacman cutishpaca: «Hai pueblopi causaccunaca ashallami. Chaimanta ishcai huaranga, mana cashpaca quimsa huaranga runacunalla llucshichun. Chai pueblotaca paicunallami quichunga. Ama tucui mashna rishpa, yanga shaicuichicchu» nirca.