2 CORINTIOS 9:14 - Dios Rimashcata Quillcashcami

¹⁴ Dios mai cuyac cashcata cancuna ricuchishcamantami, tucui cuyaihuan cancunamantaca Diosta mañangacuna.

Nuevo Testamento en Quichua Cañar 1996

¹⁴ Taita Dios mai c'uyac cashcata cancuna ricuchishcamantami, tucui c'uyaihuan cancunamantaca Taita Diosman mañangacuna.

2 CORINTIOS 9:14 Referans Kwoze

1 TIMOTEO 1:14

Ñucanchic Apunchic Jesucristohuan shuclla tucucpica, cuyaitapish, crina yuyaitapish, ñucata yallita cuyashcamantami Apunchic Jesucristoca curca.

FILIPENSES 4:1

Chaimanta cuyashca criccuna, Apunchic Jesus-huan shuclla cashcamantaca, imapipish sinchi caichic. Cancunaca ñucata cushichiccuna, cancunamanta ñuca japina coronami canguichic. Ñucaca cancunata ricuna yuyaillami cani.

FILIPENSES 1:8

Jesucristo cuyac shinallatac, ñuca tucui shunguhuan cancunata cuyacushcataca Diosllatacmi yachan.

2 CORINTIOS 8:1

Cuyashca criccuna, Dios cuyashcallamanta Macedonia llactapi cac tandanacushca criccuna imata ruhuac cashcatami parlagrinchic.

FILIPENSES 2:26

Epafroditoca tucui cancuna ima shina cashcata ricugrina yuyaillami puricun. Ashtahuancarin pai ungushca cashcata cancuna yachashcamantami, mai llaquiricun.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

ROMANOS 1:11

Cancuna sinchi cric cachunmi, Diospac Espíritu yuyaita cushcata cancunaman huillangapac rinata munacuni.

SAN LUCAS 16:9

Ñucaca ninimi: Cai pachapi charishcacuna tucuricpi, jahua pachapi huiñaita chasquichun, cai pachapaclla charishcacunata shuccunaman cushpa, paicunahuan alli caichic.

PROVERBIOS 11:26

Granota quiquinpaclla cachun tandachic runataca tucui gentecunami maldician. Ashtahuanpish mana huacaichishpa, tucuiman cushilla catuctaca bendiciangami.

2 SAMUEL 13:29

Absalonta serviccunaca pai nishca shinallatacmi Amnontaca ruhuarca. Shina ruhuacpimi, jatun mandacpac tucui churicuna jatarishpaca mulacunapi montashpa miticushpa rirca.

2 CORINTIOS 9:13

Cristomanta huillacushca alli huillaita cancuna cazushpa ayudacushcata yachashpami, paicunamanpish, shuccunamanpish shungumanta ayudashcamantaca, Diostaca “allimari cangui” ningacuna.

2 CORINTIOS 9:15

¡Ima shina mana pagui nipac allicunata Dios cushcamantami, paitaca pagui nicunchiclla!