2 CORINTIOS 8:6 - Dios Rimashcata Quillcashcami

⁶ Chaimantami Titotaca pai puntaman callarishca shinallatac, Dios cuyashcamanta cancuna cushcacunata tandachichun nishpa mañarcanchic.

Nuevo Testamento en Quichua Cañar 1996

⁶ Chaimantami Titotaca pai puntaman callarishca shinallatac, Dios c'uyashcamanta cancuna cushcacunata tandachichun nishpa mañarcanchic.

2 CORINTIOS 8:6 Referans Kwoze

2 CORINTIOS 12:18

Titotami cancunata ricugrichun mañashpaca shuc huauquitapish paihuan cacharcani. ¿Titochari imatapish umashpa cancunamanta quichurca? Ñucanchicca, ¿manachu shuc yuyailla tucushpa, ishcaindita chai shinallatac ruhuarcanchic?

2 CORINTIOS 8:19

Alli nishcallapish paica mana canchu, ashtahuanpish ñucanchic-huan pacta cullquita tandachishpa richun, tandanacushca criccuna acllashcami can. Cai shina tandashpa apashpaca Apunchic Jesús alli nishca cachun, shinallatac criccuna cuna munaita charishcata ricuchingapacmi ruhuacunchic.

2 CORINTIOS 8:4

Paicunaca quiquin munaimantami, “Diospaclla cac criccunata ñucanchicpish ayudashun ninchicmi” nishpa, mailla mañarcacuna.

1 PEDRO 4:10

Diosmanta allita ruhuangapac chican chican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.

FILIPENSES 4:18

Cancuna Epafroditoman mingashpa ñucaman cachashcataca, tucuita chasquishpami cunancarin, yalli yallita charini. Cancuna ñucaman cushcacunaca Dios cushilla chasquina mishquilla ashnacuc shinami ricurin.

2 CORINTIOS 9:5

Chaimantami cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

HECHOS 24:17

Unai huatacuna quipami, ñuca llactapi causac huacchacunaman cullquita cungapac, ofrendata cungapac Jerusalenman rircani.

ROMANOS 15:25

Cunanca Jerusalén pueblopi causac criccunata ayudangapacmi rigrini.

2 CORINTIOS 2:13

Shina cacpipish huauqui Tito mana tupashcamantaca, maimi llaquilla carcani. Chaimantami paicunata caya minchacaman nishpa, Macedonia llactaman rircani.

2 CORINTIOS 8:10

Caimanta rimashpaca, cancunapac allipacmi cai ñuca yuyaitaca cuni. Cai cullquita cunataca sarun huatami cushicushpa cungapac cancunarac callarircanguichic.

2 CORINTIOS 8:23

Titoca ñucahuan pacta cancunapac allipac ruhuashpa puricmi can. Cutin caishuc ishcai huauquicunaca, caipi chaipi cac tandanacushca criccuna acllashca, Cristo alli nishca cachun ruhuaccunami cancuna.