2 CORINTIOS 8:21 - Dios Rimashcata Quillcashcami

²¹ Shina ruhuashpaca, mana Apunchic Jesuspac ñaupallapi alli ricuringapac, ashtahuanpish gentecunapac ñaupapipish alli ricuringapacmi chashna ruhuacunchic.

Nuevo Testamento en Quichua Cañar 1996

²¹ Shina ruhuashpaca, mana Apunchic Jesuspac ñaupallapi alli ricuringapac, ashtahuanpish gentecunapac ñaupapipish alli ricuringapacmi chashna ruhuacunchic.

2 CORINTIOS 8:21 Referans Kwoze

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

1 TESALONICENSES 5:22

Tucui mana allimanta huacaichirichic.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

ROMANOS 14:18

Chai shina Cristota servishpami, Diosta cushichishpa, runacunapacpish alli nishca causan.

1 TIMOTEO 5:14

Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

SAN MATEO 6:4

Can chashna pacalla ayudacpica, pacallata ricuc Diosca, can japina cashcataca cungami.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

SAN MATEO 6:1

Ama gentecuna ricucucllapi allita ruhuaichicchu. Chashna ruhuacpica, jahua pacha Diosca, ima allita mana cungachu.

RUT 3:14

Shina nicpimi, Rutca pacaringacaman paipac chaquinicllapi sueñurca. Boozca: «Trillana pambaman shuc huarmi shamushcata pipish ama yachachun» nishcami carca. Chaimantami cayandi tutamantaca pipish ama ricsichun manarac alli achicyacpi rirca.

PROVERBIOS 3:4

Chashna cashpami, Diospac ñaupapipish, runacunapac ñaupapipish alli nishca cangui.

2 CORINTIOS 8:20

Cashna achca cullquita tandachicushcata ama pi juchanchichunmi chashnaca ruhuanchic.

2 CORINTIOS 8:22

Paicunahuanca ñucanchicpuramanta shuc huauquitapish cachanimi. Paitaca imapipish allita ruhuactami ricushcanchic. Cunancarin paica cancuna cuna cashcatatac yachashpaca, ashtahuanmi allita ruhuanga.

1 TIMOTEO 3:7

Ima llaquipi, supaipac ima pandachinapi ama urmangapacca, tucui gentecunapac alli nishcami cana can.

1 REYES 18:34

Shina ruhuashca quipaca: «Chuscu puñupi yacuta jundachichic. Chaitaca Diosman cushpa tucui rupachina aichapipish, yantapipish tallichic» nirca. Chai quipaca: «Cutinllatac chashna ruhuaichic» nirca. Shina nicpica, cutinllatacmi chashna ruhuarcacuna. Chashna tallicpipish: «Quimsa cutinhuan tallichiclla» nirca.