2 CORINTIOS 8:12 - Dios Rimashcata Quillcashcami

¹² Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

Nuevo Testamento en Quichua Cañar 1996

¹² Maijanpish pai charishcamanta tucui shunguhuan imata cucpica, Taita Diosca chasquinmi. Ashtahuanpish Taita Diosca imata mana charishcataca mana mañanchu.

2 CORINTIOS 8:12 Referans Kwoze

2 CORINTIOS 9:7

Mana misarishpa, mana mandashcallamanta, ashtahuanpish quiquin shunguhuan yuyarishca shinami cuna can. Cushicuihuan cuctami Diosca cuyan.

ÉXODO 35:29

Mandac Dios Moisesta mandashca shina ruhuarichunca, tucui alli shunguyuc israelcunami caricunapish, huarmicunapish tucui munaihuan Mandac Diosman cungapac apamurca.

1 PEDRO 4:10

Diosmanta allita ruhuangapac chican chican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.

ÉXODO 35:5

“Mandac Dios ñucaman cungapacca cancunapurallamanta ofrendata tandachichic. Tucui alli shunguyuc gentecuna curita, cullquita, bronceta,

ÉXODO 25:2

«Israelcunataca ñucaman ofrendata cungapac maijanpish ñucaman tucui shunguhuan cuccunamanta japichun ni.

SAN LUCAS 16:10

Ashalla charishcacunahuan allita ruhuacca, achcata charishcacunahuanpish allitami ruhuanga. Chashnallatac ashalla charishcacunahuan mana allita ruhuacca, achcata charishcacunahuanpish mana allillatatacmi ruhuanga.

PROVERBIOS 19:22

Shuccunata llaquic runamanca mai cushicuimi can. Llullac runa canapac randica, huaccha canami ashtahuan alli.

2 CRÓNICAS 6:8

Ashtahuanpish Mandac Diosca ñuca taita Davidtaca: “Ñucaman mañana huasita shayachinatami cambac shungupi yuyarircangui. Can chaita yuyarishcaca allimi can.

2 CORINTIOS 8:11

Chashna cui callarishca shinallatac, cunanpish cancuna charishca shina cushicuihuan cushpa caticuichiclla.

2 CORINTIOS 8:13

Cancuna shuccunaman cungaraicu ima illaclla saquirichunca mana ninichu, ashtahuanpish pacta pacta tiyachunmi nini.

2 CORINTIOS 8:19

Alli nishcallapish paica mana canchu, ashtahuanpish ñucanchic-huan pacta cullquita tandachishpa richun, tandanacushca criccuna acllashcami can. Cai shina tandashpa apashpaca Apunchic Jesús alli nishca cachun, shinallatac criccuna cuna munaita charishcata ricuchingapacmi ruhuacunchic.

ÉXODO 35:24

Pipish bronce ofrendata, cullqui ofrendata Diosman cungapac ari nishpaca, chaitami apamurca. Acacia caspita chariccunaca imata ruhuana cashcata ruhuangapacmi apamurca.

SAN MATEO 25:17

Ishcai talento cullquita japicpish, chai shinallatacmi mirachirca.

SAN MATEO 25:22

Ishcai talento cullquita japic runa chayashpaca: “Amito, canca ishcai talento cullquitami saquircangui, ishcai talento cullquihuanmi mirachircani” nirca.