2 CORINTIOS 7:7 - Dios Rimashcata Quillcashcami

⁷ Mana Tito shamushcallamantachu ashtahuanpish Pai cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunayaihuan cashcatapish, ñucata llaquichishcamanta llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

Nuevo Testamento en Quichua Cañar 1996

⁷ Mana Tito shamushcallamantachu cushicurcanchic, ashtahuanpish Tito cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunaihuan cashcatapish, ñucata llaquichishcata yuyarishpa llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

2 CORINTIOS 7:7 Referans Kwoze

SAN JUDAS 1:3

Cuyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita catina cacpimi, caita quillcani.

2 CORINTIOS 5:2

Chashna cashcamantami cai pachapi tiyac huasi shina cuerpohuan cashpaca, churanata mudaric shina, jahua pacha huasi shina cuerpohuan causacunchicmanlla nishpa yuyanchic.

2 JUAN 1:4

Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yallita cushicuni.

SANTIAGO 5:17

Diosmanta ñaupa huillac Eliasca ñucanchic shinallatacmi carca. Pai ama tamyachun nishpa, crishpa Diosta mañacpica, quimsa huata chaupitami mana tamyarca.

HEBREOS 2:1

Chaimantami alli ñanta mana chingachingapac ñucanchic uyashcataca yuyarashpa cana canchic.

1 TESALONICENSES 3:8

Chai shina Apunchic Jesusta alli caticushcata yachashpami, cutin causaric shina cushicunchic.

1 TESALONICENSES 3:6

Shina cacpipish Timoteo Tesalonicamanta cutimushpami, cancuna allita crishpa, cuyanacushpa causacushcata huillashpa cushichirca. Ima shinami ñucanchic cancunata ricuna yuyailla canchic, chai shinallatac cancunapish ñucanchicta ricuna yuyailla cashcatami huillarca.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuc-huan shuc shinalla cashcata yachashpami cushicuni.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Dios cushcamantami, paitaca pagui nicuni.

2 CORINTIOS 2:9

Chai shinaca ñuca ima nishcata cancuna pactachic cashcata, mana pactachic cashcata ricungapacmi quillcarcani.

2 CORINTIOS 1:14

Ñucanchic Apunchic Jesucristo cutimucpica, ñucanchicmantami cushicunguichic, ñucanchicpish cancunamantami cushicushun. Chaitaca ñami ashallatapish entendishcanguichic.

ROMANOS 1:12

Chaica, cancunapish, ñucapish cric cashcamantami sinchi cric cangapac caishuc chaishuc yuyachinacunata munani.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

SAN LUCAS 22:44

Jesús yalli llaquihuan cashpami, ashtahuan Diosta mañarca. Jumbipish yahuar shinami pambaman shuturca.

SAN MATEO 26:75

Chaipimi Pedroca, Jesús: «Manarac gallo cantacpimi, quimsa cutin negangui» nishcata yuyarirca. Chaimantami Pedroca canzhaman llucshishpa, yallita llaquirishpa huacarca.

SAN MATEO 5:4

Shungupi llaquilla caccuna, ¡cushicuichic! Diosmi cancunataca cushichinga.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SALMOS 38:18

Chaimantami cunanca ñuca juchacunata canman huillasha. Mana allita ruhuashcamantaca yallitami llaquirisha.

SALMOS 30:5

Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

2 CORINTIOS 1:4

Diosca llaquihuan caccunata cushichichunmi, ñucanchic tucui llaquicunapi cushichin.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, yallita cushichirca.

2 CORINTIOS 7:8

Ñuca cachashca quillca cancunata ashacaman llaquichishcata yachac chayashpaca, llaquirircanimi. Shina cacpipish chaita quillcashcamantaca mana llaquirinichu.