2 CORINTIOS 6:6 - Dios Rimashcata Quillcashcami

⁶ Shinallatac alli causac, imapish cashcata alli yachac, mana piñaric, llaquiccunami canchic. Diospac Espíritu ñucanchic shungupi cashcamantaca, chuya shunguhuan cuyaccuna cashcatami ricuchinchic.

Nuevo Testamento en Quichua Cañar 1996

⁶ Shinallatac pi mana juchanchipac, alli causac, imapish cashcata alli yachac, mana p'iñaric, llaquiccunami canchic. Diospac Espíritu ñucanchic shungupi cashcamantami, chuya shunguhuan c'uyaccuna cashcatapish ricuchinchic.

2 CORINTIOS 6:6 Referans Kwoze

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

EFESIOS 4:2

Ama pihuanpish jatun tucushpa, ama piñarishpa, cuyac shunguhuan caishuc chaishuc-huan apanacushpa cuyanacuichic.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli cuyacucpica, ¿ima nishpatac cancunaca ashallata cuyanguichic?

2 CORINTIOS 11:11

Chashna nishpaca, ¿cancunata mana cuyashcamantachu chashnaca nini? Diosllatacmi ñuca cancunata cuyac cashcataca yachan.

2 CORINTIOS 11:6

Paicuna shina rimanata mana alli yachashpapish, Diosmantaca allimi yachani. Chai shina cashcataca ima shinapish allimi ricuchircani.

2 CORINTIOS 11:4

Maijanpish ñucanchic huillashca Jesusmanta shuctaclayaman huillangapac chayacpi, cancuna chasquishca Espiritumanta shuctaclaya espiritutapish, cancuna chasquishca alli huillaimanta shuctaclaya huillaitapish cancunaca chasquinguichicllami.

2 CORINTIOS 7:2

Ñucanchic nishcataca cancunapac shungupi chasquichicyari. Ñucanchicca pitapish ima mana allitaca mana ruhuarcanchicchu. Pitapish mana pandachircanchicchu. Pitapish mana umarcanchicchu.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

2 CORINTIOS 2:4

Cancunaman quillcashpaca, yallita llaquihuan cashpami huacashpa quillcarcani. Shina cashpapish mana cancunata llaquichingapacchu, ashtahuanpish cancunata yallita cuyac cashcata cancuna yachachunmi, chashnaca quillcarcani.

1 CORINTIOS 13:4

Maijanpish cuyaita charicca, llaquichicpipish mana piñaric, alli shunguyucmi. Shuccuna ama charichun nishpa mana munacchu, shinallatac “allimi cani” nishpa mana jatun tucushcachu.

1 CORINTIOS 2:16

Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

JUECES 16:15

Shina ruhuacpi Dalilaca: —¿Manapish ñucapi shunguta churashpaca ima shinatac cantaca cuyanimi ningui? Caihuanca ña quimsa cutinmi ñucata burlashpa can ima shina yallita fuerzata charishcataca mana huillashcangui— nirca.

1 JUAN 3:18

Ñuca cuyashca huahuacuna, ama shimillahuan “cuyanimi” nishunchic, ashtahuanpish imatapish ruhuashpatac cuyashcata ricuchishun.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

1 TIMOTEO 4:12

Criccuna canta ricushpa allita causachunca, allita ruhuashpa, sumac shimicunata rimashpa, alli cuyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

1 TESALONICENSES 2:10

Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

EFESIOS 3:4

Chai quillcata rezashpami, Jesucristomanta pi mana ricsishcata ñuca yachashcataca yachac chayanguichic.

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?

1 CORINTIOS 2:4

Cancuna crichunca, imata parlashpapish, alli huillaita huillashpapish, tucuita yachac shina alaja rimaicunahuanca mana huillarcanichu. Chaipac randica Diospac Espiritupac poderhuanmi cricta ruhuarcani.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

TITO 2:7

Ima ruhuaipipish canrac allita ruhuashpa ricuchingui. Yachachicushpapish mana pucllarishpa, chuya shunguhuan,

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca piñaric cashcatapish, cric cashcatapish, cuyac cashcatapish,

1 TIMOTEO 5:2

Ñaupa huiñai mamacunatapish quiquin mamata shina, quipa huiñai solteracunataca quiquin panita shina chuya shunguhuan rimangui.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

2 CORINTIOS 2:10

Maijanta cancuna perdonacpica, ñucapish perdonanimi. Imapish mana perdonashca cacpica, cancunata llaquishcamantami Cristopac ñaupapi chai shinaca ña perdonarcani.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.