2 CORINTIOS 6:11 - Dios Rimashcata Quillcashcami

¹¹ ¡Corintopi causac criccunalla! Imatapish mana pacashpami, cancunamanca parlanchic. Ñucanchic shungupi imata yuyashcatapish, tucuitami ricuchinchic.

Nuevo Testamento en Quichua Cañar 1996

¹¹ ¡Corinto pueblopi causac criccunalla! Imatapish mana pacashpami, cancunamanca parlanchic. Ñucanchic shungupi imata yuyashcatapish, tucuitami ricuchinchic.

2 CORINTIOS 6:11 Referans Kwoze

FILIPENSES 1:8

Jesucristo cuyac shinallatac, ñuca tucui shunguhuan cancunata cuyacushcataca Diosllatacmi yachan.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli cuyacucpica, ¿ima nishpatac cancunaca ashallata cuyanguichic?

SALMOS 119:32

Can ñuca shungupi cushicuita cushcamantami can mandashcacunataca utca pactachisha.

2 CORINTIOS 2:4

Cancunaman quillcashpaca, yallita llaquihuan cashpami huacashpa quillcarcani. Shina cashpapish mana cancunata llaquichingapacchu, ashtahuanpish cancunata yallita cuyac cashcata cancuna yachachunmi, chashnaca quillcarcani.

APOCALIPSIS 22:12

Shinallatac Jesusca: —¡Riquichic, ñucaca ñallami shamusha! Imata ruhuashca shina japina cashcata tucuiman cungapacmi apashpa shamusha.

FILIPENSES 4:15

Filipos criccunalla, alli huillaita huillai callarishca punzhacuna Macedonia llactamanta ñuca ricucpica, cancunallami ñuca huillashcata uyashcamanta Diosman cushca cullquitaca curcanguichic. Chaitaca cancunallatac ña yachanguichicmi.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Cancunaman ñuca huillashpaca, Jesucristo ña chacatashca cashcatami allitac huillarcani.

1 SAMUEL 2:1

Ana Diosta mañashpaca: «Ñuca shunguca Mandac Diospimi cushicun. Mandac Diosmantami ñucaca imatapish ruhuaclla cani. Can quishpichishcamanta cushicushpami, ñuca shimipish ñucata piñaccunata rimangapac pascarirca.

EFESIOS 6:8

Cancunaca amopacta ruhuac cashpa, mana amopacta ruhuac cashpapish, imapish allita ruhuashcamantaca Apunchic Jesusmanta japina cashcataca yachanami canguichic.

HABACUC 2:5

Jatun tucushca vino shinami llaquiman apan. Seol pascaric shinami imatapish mashcanga. Huañui shinami mana shaicunga. Shinallatac paipaclla cachunmi tucui llactacunata munan. Chashna jatun tucushca runaca mana causangachu.

SALMOS 51:15

Jatun Dioslla, ñuca shimita pascaiyari. Chaipica, tucuipac ñaupapimi alli nishpa cantasha.

JOB 32:20

Imallatapish rimashpami cushilla casha. Can ima nishcacunata cutichingapacmi ñuca shimihuan rimasha.

ISAÍAS 60:5

Chaita ricushpami, cambac ñahuica achicyac shina cushicunga. Mama cucha patapi tiyac llactacunapac sumaccunaca cambacmi canga. Shuctac llactapi causaccunapac ima charishcacunatapish canmanmi apamunga. Chaimantami cambac shunguca yallita cushicunga.

EZEQUIEL 33:22

Miticushpa shamuc runa tutamanta ñucapacman manarac chayamucpimi, Mandac Diosca shuc chishipi ñucata rimachirca. Shina rimachicpimi, ña mana upalla carcani.

HECHOS 18:1

Chai quipami, Pabloca Atenas pueblomanta llucshishpa, Corinto puebloman rirca.

HECHOS 18:8

Tandanacuna huasipi mandac Crispopish, paipac tucui familiandimi Apunchic Jesusta crirca. Corinto pueblo gentecunapish, taucacunami alli huillaita uyashpa, crishpa bautizarirca.

GÁLATAS 4:12

Cuyashca criccuna, ñucaca cancuna shinami tucurcani. Chaimantami cancunapish ñuca shina tucuchun mañani. Cancuna ñucaman ima mana allita ruhuashcataca mana yuyanichu.

EFESIOS 6:19

Alli huillaita huillashpa, chai pi mana yachashcata mana manchashpa huillangapac, Dios yuyaita cuchun ñucamantapish Diosta mañaichic.