2 CORINTIOS 5:2 - Dios Rimashcata Quillcashcami

² Chashna cashcamantami cai pachapi tiyac huasi shina cuerpohuan cashpaca, churanata mudaric shina, jahua pacha huasi shina cuerpohuan causacunchicmanlla nishpa yuyanchic.

Nuevo Testamento en Quichua Cañar 1996

² Chashna cashcamantami cai pachapi tiyac huasi shina cuerpohuan cashpaca, ña churanata mudaric shina, jahua pacha huasi shina cuerpohuan causacunchicmanlla nishpa yuyanchic.

2 CORINTIOS 5:2 Referans Kwoze

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

ROMANOS 7:24

¡Aij, ñucalla! Ñuca cuerpopi tiyac munai huañuiman apacucmantaca, ¿pitac cacharichinga?

1 CORINTIOS 15:51

Dios manarac piman yachachishcatami ricsichisha nini. Mana tucuichu huañushun. Shina cashpapish, tucuimi shuctacyachishca cashun.

JOB 10:11

Ñuca cuerpotaca carahuan, aichahuanmi churachishcangui. Shinallatac tullucunahuan, angucunahuanmi ahuarcangui.