2 CORINTIOS 5:15 - Dios Rimashcata Quillcashcami

¹⁵ Cristoca cunan causaccuna ama paicuna quiquinpaclla causachun, ashtahuanpish paipaclla causachunmi tucuimanta huañurca. Chashnaca tucuipac allipacmi huañushpa causarirca.

Nuevo Testamento en Quichua Cañar 1996

¹⁵ Cristoca cunan causacuccuna ama paicuna quiquinpaclla causachun, ashtahuanpish Cristopac causachunmi tucuimanta huañurca. Chashnaca tucuipac allipacmi huañushpa causarirca.

2 CORINTIOS 5:15 Referans Kwoze

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Diospac alli maqui ladoman tiyacun.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

1 JUAN 4:9

Ñucanchic paimanta huiñai causaita charichunmi, Diosca paipac shuclla Churita cai pachaman cachashpa, pai cuyac cashcataca ricuchirca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

GÁLATAS 5:25

Diospac Espiritumanta causacushpaca, Diospac Espiritullatac yuyaita cushpa pushachun saquishunchic.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

1 PEDRO 4:6

Chaimantami huañushca gentecunamanpish, causaipi paicuna ima ruhuashcata Dios taripacpi, paicunapac espiritupi Dios munashca shina causachun, alli huillaita huillagrirca.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

ROMANOS 6:6

Ñaupa causacushca Cristohuan pacta chacatarishca cashcataca yachanchicmi. Chaica, juchata ruhuana munai ama atichunmi, chai juchacunataca chingachishpa, Cristohuan chacatarishca shina canchic.

SAN LUCAS 1:74

Ñucanchic imata mana manchashpa, paipacta ruhuac cachunmi, piñaccunapac maquimanta cacharichinga.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

2 CORINTIOS 5:16

Ñucanchicca pitapish caimanta ñaupamanca gentecuna yuyashca shinaca, ña mana yuyanchic. Ñaupaman gentecuna Cristomanta yuyashca shina yuyac cashpapish, cunanca ña mana chashna yuyanchicchu.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac, paicuna quishpirichun ruhuacuni.

COLOSENSES 3:23

Imata ruhuana cacpipish, ama gentecunapacta ruhuacushcata yuyaichicchu, ashtahuanpish Cristopacta ruhuacushcata yuyashpa, tucui shunguhuan ruhuaichic.

COLOSENSES 2:12

Cancuna ña bautizarishca cashcamantaca, Cristohuan enterrashca shinami canguichic. Shinallatac Cristota causachic imatapish ruhuaclla Diosta crishcamantaca, huañushcacunapuramanta Cristohuan pacta causachishca shinami canguichic.

ROMANOS 8:6

Jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca causaccunaca, cushi causaitami charinga.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

SAN JUAN 6:57

Ñucata cachac Taitaca causaiyucmi. Chaimantami ñucaca paimanta causani. Ñuca aichata micucca, ñucamantami causanga.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

2 CORINTIOS 3:6

Paillatacmi paipac mushuc ari ninacuita huillachun, ñucanchicman yachachirca. Chaica mana mandashcapi quillcashcachu, ashtahuanpish Diospac Espíritu yachachishcami. Mandashcaca huañuchinmi, ashtahuanpish Espirituca causaitami cun.

ZACARÍAS 10:9

Ñuca shuctac llactacunaman caita chaita cachacpi, paicuna caru llactapi causacushpapish ñucataca yuyaringami. Paicuna chaipi huahuacunahuan causacushpapish cutimungami.

HABACUC 2:4

Millai shungu runaca jatun tucunllami. Ashtahuanpish cashcata ruhuac runaca crishcamantami causanga” nirca.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

ROMANOS 8:10

Cristo cancunapi causacucpica, cuerpoca juchamanta huañushcami can. Shina cacpipish, Dios cashcata ruhuac cashcamantami, paipac Espíritu causaita cun.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

EZEQUIEL 37:14

Ñuca cancunapi causaita cuc samaita churashpa, causachishpami, cancunapac llactallapitac samachisha. Shina ruhuacpimi, Mandac Dios ñuca nishcata pactachic cashcata yachanguichic» nirca.

ROMANOS 6:2

¡Mana chashnachu cana can! Juchata ña mana ruhuangapacmi, huañushca shina canchic. ¿Maitatac juchata ruhuashpa catishunyari?

EZEQUIEL 37:9

Chaimantami Mandac Diosca: «Huañunalla runa, causaita cuc samaiman huillashpa, Mandac Diosca: “¡Causaita cuc samai, cai pacha chuscu ladomanta shamushpa, cai huañushcacunapac jahuapi pucui! ¡Shina ruhuacpica, causaringallami!” ninmi ningui» nirca.

EZEQUIEL 16:6

Ñucaca cambac ladota pasacushpami, yahuarpi llaquinayaita mapayashca siricucta ricurcani. Chashna ricucpimi cantaca: ‘¡Causari!’ nircani. Ari, cantaca yahuarlla cacta ricushpami: ‘¡Causari!’ nircani.

2 REYES 5:17

Chaimantami Naamanca: —Shina cashpaca, cai llactamanta canta servic ñuca allpata ishcai mulapi apachun saqui. Chaica canta servic ñucaca cunanmanta ñaupamanca mana shuctac dioscunaman animalta tucui rupachishachu. Ashtahuanpish Mandac Diosllamanmi tucui rupachisha.

ROMANOS 4:25

Apunchic Jesusca ñucanchic juchacunamantami huañurca. Diosca ñucanchictapish chasquingapacmi Jesustaca huañushcacunapuramanta causachirca.

2 CORINTIOS 12:10

Cristomantaca ñuca imatapish mana ruhuaipaclaya cashcamantapish, ñucata camishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipaclaya cashpaca, ashtahuanmi imatapish ruhuaipaclaya cani.