2 CORINTIOS 4:10 - Dios Rimashcata Quillcashcami

¹⁰ Ñucanchic maiman rishpapish, Jesús shinallatacmi huañuchinalla purinchic. Mana huañushpaca, Jesús causacuc cashcatami ricuchinchic.

Nuevo Testamento en Quichua Cañar 1996

¹⁰ Ñucanchic maiman rishpapish, Jesús shinallatacmi huañuchinalla purinchic. Chashna cashpapish mana huañushpaca, Jesús causacuc cashcatami ricuchinchic.

2 CORINTIOS 4:10 Referans Kwoze

ROMANOS 6:5

Cristohuan huañungapacmi shuc shinalla tucurcanchic, chai shinallatacmi Dios causachicpica, paihuan shuc shinalla cashun.

2 TIMOTEO 2:11

Cai nishcaca chashnatacmi can: “Jesucristohuan huañushca cashpaca, paillahuantacmi causashun.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

ROMANOS 6:8

Cristohuan huañushpaca, paillahuantac causana cashcatapish,

2 CORINTIOS 13:4

Ari, paica imatapish mana ruhuaipac shinami, cruzpi chacatashca carca. Shina cashpapish poderta charic Diosmantami causacun. Chai shinallatacmi ñucanchicca Cristo shina, imatapish mana ruhuaipac shina canchic. Shina cashpapish paihuan shuc shinalla tucushpami, Diospac poderhuan cancunapac allipac causashun.

2 CORINTIOS 1:5

Cristo llaquita apashca shina ñucanchicpish llaquita apashpaca Cristollamantatacmi yallita cushicuita japinchic.

ROMANOS 8:36

Dios quillcachishcapica: «Canmantami ima punzhapish huañunalla canchic. Ovejata huañuchingapac apashca shinami charincuna» ninmi.

COLOSENSES 1:24

Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

2 CORINTIOS 1:9

Chaipica ña huañuna shinami carcanchic. Shina cacpipish ñucanchic chai llaquita apashpaca mana ñucanchicllapi yuyaita churashpa, ashtahuanpish huañushcacunata causachic Diospi yuyaita churanatami yachacurcanchic.

GÁLATAS 6:17

Ñuca Apunchic Jesusta caticushcamanta chugririshpa alli tucushca señalmi, paipacta ruhuac cashcataca ricuchin. Caimanta ñaupamanca pi ama ñucataca piñachun.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca: «Ama mancharichu. Ñucami callarichicpish, tucuchicpish cani.

2 CORINTIOS 4:11

Jesús causacushca ñucanchic huañunalla cuerpopi ricurichunmi, paita caticushcamanta cai causaipica huañuchishunmi nishca purinchic.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.