2 CORINTIOS 11:28 - Dios Rimashcata Quillcashcami

²⁸ Cai llaquicunahuan cashca jahuapish punzhantami tucui tandanacushca criccunata yuyarishpa, llaquita apacuni.

Nuevo Testamento en Quichua Cañar 1996

²⁸ Cai llaquicunahuan cashpapish, shuctac llaquicunahuan cashpapish, tucui punzhacunami tucui tandanacushca criccunata yuyarishpa, llaquita apacunilla.

2 CORINTIOS 11:28 Referans Kwoze

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic. Tandanacushca criccunataca maipipish chai shinallatacmi mandani.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

COLOSENSES 2:1

Ñucaca cancunamantapish, Laodicea pueblopi caccunamantapish, shinallatac tucui ñucata ñahui ñahui mana ricsiccunamantapish llaquita apashpa, tucui yuyaihuan ruhuacushcatami yachachun munani.

ROMANOS 16:4

Paicunaca huañunata mana manchashpami, ñucata ayudarca. Chaimantami pagui nini, ashtahuanpish caishuc cric mana israelcunapish pagui nincunami.

ROMANOS 11:13

Cancuna mana israelcunamanmi rimani. Ñucaca mana israelcunaman huillac apostolmi cani. Ñuca imata ruhuacushcataca yallimi cuyani.

HECHOS 18:23

Chai pueblopi asha punzhacunata cashpaca, Galacia llactata, Frigia llactata rishpami, chaipi criccunata cunashpa cushichirca.

ROMANOS 1:14

Ñucaca griegocunamanpish, mana griegocunamanpish, yachaccunamanpish, mana yachaccunamanpish huillanami cani.

HECHOS 20:2

Chai llacta criccunata cunashpa cushichishpami, Grecia llactaman chayarca.

HECHOS 15:36

Tauca punzhacuna quipami, Pabloca Bernabetaca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crirca. Cunanca, paicuna ima shina caticucta jacu ricungapac— nirca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.