2 CORINTIOS 10:4 - Dios Rimashcata Quillcashcami

⁴ Ñucanchic macanacunaca mana cai pachapi tiyac macanacuna shinachu, ashtahuanpish Diospac podermi jatun pirca shina jarcaccunata tucui chingachipac can.

Nuevo Testamento en Quichua Cañar 1996

⁴ Ñucanchic charicushca imapish macanacunaca mana cai pachapi tiyac shinachu, ashtahuanpish imatapish ruhuaclla Taita Diosmanta cashpami, jatun pirca shina jarcaccunata tucui chingachipaclla can. Chashnami juchanchiccunatapish,

2 CORINTIOS 10:4 Referans Kwoze

2 CORINTIOS 6:7

Chashnatac cashcata huillashpa, Diospac poderhuan imatapish ruhuashpa, macanacungapacpish, misaringapacpish cashcata ruhuashpami causanchic.

JEREMÍAS 1:10

Cunan punzhamanta pachami cantaca llactapi causaccunatapish, jatun mandaccunatapish, sapimanta llucchic shina tucui chingachichun, urmachishpa ñutuchichun, shinallatac cutin shayachishpa, tarpuc shina allichichun churani» nirca.

1 CORINTIOS 2:5

Chaitaca, mana gentecunapac yachaillamanta crichun, ashtahuanpish Diospac podermanta crichunmi, chashnaca huillarcani.

1 TIMOTEO 1:18

Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

1 TESALONICENSES 5:8

Ashtahuanpish ñucanchicca punzhapac cashcamantaca, alli yuyaihuanmi catina canchic. Fierro churanata churaric shinaca, Apunchic Jesusta crishpa, cuyaihuan causanami canchic. Umapi fierro cascota churaric shinaca, quishpirina yuyaihuanmi shuyana canchic.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

2 CORINTIOS 3:5

Tucui caicunataca mana ñucanchic yachac cashcallamantachu ruhuanchic, ashtahuanpish Diosmi ruhuachicun.

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

HEBREOS 11:30

Crishcamantami israelcunaca canchis punzhata Jericó pueblota muyushpa, chai muyundi pircata urmachirca.

2 TIMOTEO 2:3

Canca Jesucristopac alli soldado shina, llaquicunataca apanguilla.

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

ISAÍAS 30:25

Yallita huañui punzhapi torrecuna urmacpica, tucui urcu patamanta, jatun lomacunamantami jatun yacucunapish, ashalla yacucunapish llucshicunga.

JOSUÉ 6:20

Israelcuna caparicpimi, curacunapish oveja gachupi tocarcacuna. Chai tocashcata uyashpaca, sinchitami caparircacuna. ¡Shina caparicpica, jatun pircapish urmarcami! Chaipica, tucui israelcunami paicunapac ñaupata rishpa puebloman yaicurcacuna.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

1 CORINTIOS 9:7

¿Pitac quiquin cullquihuan soldado tucun? ¿Pitac manapish micungapac uvasta tarpunga? ¿Pitac ovejata michishpapish lecheta mana ubian?

JEREMÍAS 23:29

Ñuca rimashcaca, ¿manachu nina japiricuc shina? Shinallatac, ¿manachu rumita paquic martillo shina?

2 CORINTIOS 10:8

Apunchic Jesús mandashcamanta, ñuca cancunata imatapish ruhuachun nishpa ashata jatun tucushpa mandashpapish, mana pinganichu. Apunchic Jesusca ñucataca mana cancunata chingachichunchu mandarca, ashtahuanpish alli cricta ruhuashpa, sinchiyachichunmi mandarca.