2 CORINTIOS 1:9 - Dios Rimashcata Quillcashcami

⁹ Chaipica ña huañuna shinami carcanchic. Shina cacpipish ñucanchic chai llaquita apashpaca mana ñucanchicllapi yuyaita churashpa, ashtahuanpish huañushcacunata causachic Diospi yuyaita churanatami yachacurcanchic.

Nuevo Testamento en Quichua Cañar 1996

⁹ Chaipica ña huañunalla shinami carcanchic. Shina cacpipish ñucanchicmanca chai llaquita apashcaca allimi carca. Chashna llaquita apashpami, mana ñucanchicllapi yuyaita churashpa, ashtahuanpish huañushcacunata causachic Dios yuyailla canata yachacurcanchic.

2 CORINTIOS 1:9 Referans Kwoze

2 CORINTIOS 3:5

Tucui caicunataca mana ñucanchic yachac cashcallamantachu ruhuanchic, ashtahuanpish Diosmi ruhuachicun.

HEBREOS 11:19

Chaica Abrahamca Diosca huañushcacunatapish causachingapac poderta charic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

JOB 40:14

Shina ruhuacpica, ñucallatacmi cambac alli maquica imatapish ruhuacmi can nisha.

SAN LUCAS 18:9

“Allicunami canchic” nirishpa, shuccunata mana valichishpa puriccunaman Jesús chimbapurashca parlohuan parlashpaca:

PROVERBIOS 28:26

Pai yuyarishcallapi shunguta churac runaca yuyai illac runami. Ashtahuanpish alli yachac runaca ima llaquimantapish quishpiringami.

EZEQUIEL 33:13

Ñuca cashcata ruhuac runata: ¡Causanguitacmi! nicpi, pai ‘cashcata ruhuacmi cani’ yuyashpami, juchata ruhuanga. Shina ruhuashpaca huañungami. Pai cashcata ruhuashcataca mana yuyarishachu. Ashtahuanpish mana allita ruhuashcamantaca huañungami.

SALMOS 22:29

Cai allpa pachapi causac tucui chayuccunaca cambac ñaupapimi cumuringacuna. Huañushpa allpa tucunalla gentecunapish, quiquinllatac mana causaita chari pudiccunapish tucuimi cambac ñaupapi cumuringa.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

ISAÍAS 38:10

«Ñucaca: “Ñuca causana chaupi punzhacunapimi Seolman rigrini. Shuctac chaupi punzhacunataca quichushcami” yuyarcanimi.

ROMANOS 8:36

Dios quillcachishcapica: «Canmantami ima punzhapish huañunalla canchic. Ovejata huañuchingapac apashca shinami charincuna» ninmi.

2 CORINTIOS 1:8

Cuyashca criccuna, Asia llactapi ñucanchic jatun llaquita apashcata yachachunmi munanchic. Mana apaipac llaquita charishpami, ña mana ashtahuan causashunchu nishpa yuyarcanchic.

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.