2 CORINTIOS 1:21 - Dios Rimashcata Quillcashcami

²¹ Diosmi ñucanchictapish, cancunatapish Cristohuan shuc shinallatac ruhuashpa, acllashpa sinchita charicun.

Nuevo Testamento en Quichua Cañar 1996

²¹ Taita Diosmi ñucanchictapish, cancunatapish Cristohuan shuc shinallatac ruhuashpa, alli c'aticta shinallatac paipacllata ruhuashca.

2 CORINTIOS 1:21 Referans Kwoze

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

ROMANOS 8:9

Cancunapica Diospac Espiritumi causacun. Chaimantami jucha munashca shina, mana causacunguichic, ashtahuanpish Diospac Espíritu yuyaita cushca shina causacunguichic. Cristopac Espirituta mana charicca, mana Cristopacchu.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

2 TESALONICENSES 3:3

Paicuna chashna cacpipish, Apunchic Jesusca tucui imatapish pactachic cashcamantaca sinchita ruhuashpami millaimantapish huacaichinga.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

2 CORINTIOS 5:5

Chashna japichunca, Diosllatami yuyaita curca. Chaita japina cashcata ricuchichunca, paillatacmi paipac Espirituta ñucanchicman curca.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

ISAÍAS 62:7

¡Jerusalenta cutin shayachishpa, cai pachapi causaccunapac alli nishca ningacaman ama samaringuichicchu!

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

SALMOS 89:4

«Huiñaitami cambac huahuacunatapish mandachun churasha. Cambac jatun tiyarinapica paicunami huahua huahuacunacaman tiyaringa» nircanguimi.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

APOCALIPSIS 3:18

Chaimantami ñucaca, ninapi rupachishca curita ñucamanta randishpa chayucyai, lluchulla pingaipi cashcata ama pi ricuchun, yuranlla churanata randishpa churari, ñahui alli ricuchunpish, jambita randishpa churari nini.

APOCALIPSIS 1:6

paihuan mandaccuna cachun, paipac Diospacta ruhuac curacuna cachun ruhuac ¡Jesucristotaca tucui mashna huiñaita “Jatun Mandacmi cangui, allimari cangui” nichuncuna! Chashna cachun.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

COLOSENSES 2:7

Cancuna ima shinami yachacurcanguichic, chai shinallatac yura sapiyashca shina Jesusta crishpa, ashtahuan sinchiyashpa, achcata pagui nicuichiclla.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

SALMOS 87:5

Sionmantaca: «Caipish, chaipish chai pueblopimi huacharishca» nishami. Jahua pachapi causac Diosllatacmi chai pueblotaca sinchiyachinga.

HABACUC 2:12

¡Canca gentecunata huañuchishpami pueblota shayachircangui! ¡Mana allita ruhuashpami pueblota callarichircangui! ¡Aij, imachari tucungui!

1 CORINTIOS 1:8

Shinallatac Pai cutimui punzhapi ama pi juchanchichunmi, tucuri punzhacaman sinchi cricta ruhuashpa charinga.

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

LEVÍTICO 7:35

Mandac Diosman cushpa, rupachishcataca caicunatami Aaronpish, paipac churicunapish japina can. Caitaca Mandac Diospac cura cangapac chicanyachishca punzhamanta pachami japina carca.