2 CORINTIOS 1:13 - Dios Rimashcata Quillcashcami

¹³ Ñucanchic cancunaman quillcashpaca, mana entendipacta mana quillca catipactaca mana quillcarcanchicchu. Ñucaca cancuna entendichunmi munani.

Nuevo Testamento en Quichua Cañar 1996

^13-14 Ñucanchic cancunaman quillcashpaca, mana uyaipac, mana entendipactaca mana quillcarcanchicchu. Chashna cashcamantami cai quillcata rizashpaca, ima shinami ñucanchic cashcataca ashallatapish entendircanguichic, chai shinallatac tucui entendichunmi munanchic. Shina entendishpami, ñucanchic Apunchic Jesús cutimucpica, ñucanchicmanta cushicunguichic, shinallatac ñucanchicpish cancunamanta cushicushun.

2 CORINTIOS 1:13 Referans Kwoze

2 CORINTIOS 4:2

Pacallapi pinganayai ruhuanacunata saquishpami, pitapish mana umashpa, Dios rimashca shimitaca mana chagrushpa huillacunchic. Dios rimashca mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

FILEMÓN 1:6

Ñucanchic crishcata shuccunaman huillachun, shinallatac Dios cushca allicunata Jesucristomanta chasquishcatapish alli entendichun nishpami, canmantaca Diosta mañacuni.

2 CORINTIOS 13:6

Shina cashpapish, ñucanchic mana pandaric, alli criccuna cashcata yachachunmi munani.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.

HECHOS 27:39

Punzhayamucpica, barcota purichiccunaca maipi cashcata mana yacharcachu. Chashna mana yachashpapish barcota shayachinalla cacpimi, barcota cuchuyachinata munarca.

1 CORINTIOS 1:8

Shinallatac Pai cutimui punzhapi ama pi juchanchichunmi, tucuri punzhacaman sinchi cricta ruhuashpa charinga.