1 TIMOTEO 6:15 - Dios Rimashcata Quillcashcami

¹⁵ Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

Nuevo Testamento en Quichua Cañar 1996

¹⁵ Taita Diosca pai acllashca punzha pactacpimi, Apunchic Jesucristotaca cutin cachanga. Taita Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

1 TIMOTEO 6:15 Referans Kwoze

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

SALMOS 47:2

Jahua pachapi causac Mandac Diosca manchana jatun Diosmi. Tucui cai pachata jatun Mandacmi.

1 TIMOTEO 1:11

Cai alli yachaicunataca quishpirinamanta sumac alli huillaimi yachachin. Chaita huillachunmi, tucui mashna alli nina Diosca ñucaman mingarca.

JEREMÍAS 46:18

Ñucaca causacuc Jatun Mandacmi cani. Ñuca shutica tucuita Mandac Diosmi. Soldadocunaca tucui urcucunamanta yalli Tabor urcuta, mama cucha ladopi tiyac Carmelo urcuta yalli jatunmi chayamunga.

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

PROVERBIOS 8:15

Ñucamantami jatun mandaccunapish mandacun. Ñucamantami imatapish, cashcata ruhuashpa mandancuna.

1 TIMOTEO 2:6

Tucui gentecunata quishpichingapac, paillatac japi tucushpa huañushpami, Dios munashca punzhacuna pactacpica, quishpichic cashcata ricuchirca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

ESDRAS 7:12

«Jatun mandaccunata mandac Artajerjesmi: Jahua pachapi causac Dios mandashcata alli yachac quillcac Esdras curataca sumac causaita charingui nini.

DEUTERONOMIO 10:17

Mandac Diosca tucui dioscunapac Diosmi, mandaccunapacpish Mandacmi. Mandac Diosca manchana poderyucmi. Mana pitapish ñahuita ricushpa llaquichic Dioschu. Pimantapish mana imata japicchu.

SALMOS 136:3

Mandaccunata Mandacta alabaichicyari. ¡Paica huiñaita llaquicmi!