1 TIMOTEO 5:8 - Dios Rimashcata Quillcashcami

⁸ Maijanpish quiquin familiata, ashtahuancarin quiquin huasi ucupi caccunata mana llaquicca, crishcata saquishcami, shinallatac Jesusta mana ricsictapish yallimi can.

Nuevo Testamento en Quichua Cañar 1996

⁸ Maijanpish quiquin aillucunapurata, ashtahuancarin quiquin huasi ucupi caccunata mana llaquicca, crishcata saquishpa, mana cric gentecunata yallimi tucun.

1 TIMOTEO 5:8 Referans Kwoze

GÁLATAS 6:10

Chaimanta imata ruhuanalla cacpica, tucuiman allita ruhuashpa catishunlla. Tucuimanta yallica criccunaman allita ruhuashun.

2 CORINTIOS 12:14

Caihuanca quimsa cutin cancunata ricugringapacmi ña allichirishca cani. Cunan rishpapish, imata mañashpa mana quichushachu. Huahuacunaca mana taitacunaman cullquita tandachinchu, ashtahuanpish taitacunami huahuacunaman tandachina can. Chashna cashcamanta ñucaca cancuna ima charishcata japingaraicuca mana rishachu, ashtahuanpish cancunapac allipacmi risha nini.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pacha Dioscarin, maijanpish mañacpica, allicunatami cunga.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

GÉNESIS 30:30

Ñuca manarac shamucpica, ashallatami charircangui. Cunanca achcami mirashca. Ñuca shamushcamantami Diosca achcata bendiciashca. Shina cacpica, ¿ima horatac ñuca familiamanca trabajashayari?— nirca.

APOCALIPSIS 3:8

Ñucaca can imata ruhuacushcataca tucuimi yachani. Chaimantami cambac ñaupapica pi mana huichcaipac punguta shina ñucamanta huillachunca pascashpa churashcani. Mana tucuita ruhuaipac cashpapish, ñuca nishcata pactachishcanguimi, shinallatac ñucata mana ricsinichu ninatapish mana nishcanguihu.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

SAN JUAN 15:22

Ñuca mana shamushca cacpi, paicunata mana rimashca cacpica, mana juchayucchu canman carca. Ashtahuanpish cunanca paicunapac juchamantaca mana quishpiri pudincunachu.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

2 CORINTIOS 6:15

Cristohuan Satanas-huanca, ¡maitatac cuyanacungayari! Cric-huan shuc mana cric-huanca, ¡maitatac shuc yuyailla tucungayari!

SAN MATEO 18:17

Paicunata mana uyacpica, tandanacushca criccunaman huillangui. Paicunatapish mana uyacpica, Diosta mana cricta shina, impuestota japicta shina charinguichic.

1 CORINTIOS 6:6

Cancunaca mana piñanacunguichillachu ashtahuanpish mana cric juezcunapacmanmi chaita allichichun nishpa ringuichic.

2 TIMOTEO 2:12

Llaquicunata apashpaca, paihuanmi mandashun. Pingashpa ‘mana paipacchu cani’ nicpica, paipish ‘mana ñucapacchu cangui’ ningami.