1 TIMOTEO 5:10 - Dios Rimashcata Quillcashcami

¹⁰ Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

Nuevo Testamento en Quichua Cañar 1996

¹⁰ Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 TIMOTEO 5:10 Referans Kwoze

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.

HECHOS 9:36

Jope pueblopica, Tabita shuti cric huarmimi causarca. Chai shutica, griego rimaipica «Dorcas» nisha ninmi. Chai huarmimi huacchacunata ayudashpapish, shuctac allicunata ruhuashpapish causac carca.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

TITO 2:7

Ima ruhuaipipish canrac allita ruhuashpa ricuchingui. Yachachicushpapish mana pucllarishpa, chuya shunguhuan,

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

SAN LUCAS 7:44

Chaimantami huarmita ricuchishpa, Simontaca: —¿Cai huarmi ruhuashcata ricunguichu? Ñuca cambac huasiman yaicumucpica, chaquita jahuangapacca yacullatapish mana curcanguichu, ashtahuanpish cai huarmica paipac huiquihuanmi ñuca chaquitaca jucuchishpa acchahuan chaquichin.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

HEBREOS 10:24

Caishuc chaishuc cuyaihuan ayudanacungapac allita ruhuana yuyaita cushunchic.

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

SAN LUCAS 7:38

Chashnami Jesuspac huashata shamushpa, cungurishpa, huacashca huiquihuan chaquita jucuchirca. Chaimantaca acchahuan chaquichishpami, chaquipi mucharca. Shinallatac pai apamushca mishquilla ashnacuctami Jesuspac chaquipi churarca.

GÉNESIS 18:4

Cancunapac chaquita jahuangapac yacuta apamungacaman shuyaichic, quipaca yura llandupi samaringuichic.

3 JUAN 1:12

Demetriomantaca pai ruhuashcacuna alli cashcamantatacmi tucui mashna alli nincuna. Ñucanchicpish pai ima shina cashcataca huillanchicmi. Ñucanchic huillashca mana llulla cashcataca, cancunallatac yachanguichicmi.

1 PEDRO 4:9

Shinallatac mana huashalla rimashpa, caishuc chaishuc huasipi chasquinacuichic.

2 TIMOTEO 3:15

Huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 TIMOTEO 1:5

Can mana nic tucushpa, alli cric cashcataca yachanimi. Cambac aila Loidapish, cambac mama Eunicepish chashnallatacmi cric carca. Canpish chashnallatac cric cashcataca yachanimi.

1 TIMOTEO 5:25

Chashnallatacmi imapish allita ruhuashcacunaca tigrai ricurin. Mana tigrai ricurishpapish, quipatami ricuringa. Pacallaca mana saquiringachu.

1 TIMOTEO 2:10

Chaipac randica Diosta cazuc huarmicuna ruhuana cashca shina, imapish allicunallata ruhuachun ninimi.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

HECHOS 22:12

Chaipica, Moisés mandashcacunata alli cazuc, chaipi causac israelcunapacpish alli nishca Ananiasmi causacushca carca.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

HECHOS 9:39

Chaimantami Pedroca jatarishpa paicunahuan rirca. Pai chayacpica, huañushca velaricuc ucumanmi pusharca. Chaiman chayacpimi, viuda huarmicunaca Dorcas causacushpa ruhuashca churanacunata Pedroman ricuchishpa, muyundita shayarishpa huacarca.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

SALMOS 119:4

Dioslla, canmi tucui mandashcacunata pactachichun mandarcangui.

LEVÍTICO 25:35

Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

GÉNESIS 24:32

Chashna nicta uyashpami, chai servicca Labanpac huasiman rirca. Ña chayacpica, camellocuna aparishcata uricuchishpaca, camellocunaman quihuatapish, tamotapish churarcami. Chai servicmanpish, paihuan caccunamanpish chaquita jahuachun yacuta curcami.

GÉNESIS 19:2

Chashna cumurishpaca: —Ñuca amitocunalla, cancunata servic ñuca huasipi pacaringapac shamuichic, chaipi chaquitapish jahuanguichic. Cayaca ñanta catishpa ringuichicllami— nirca. Shina nicpimi angelcunaca: —Mana, cunan tutaca canzhallapimi pacarishun— nirca.

1 TIMOTEO 5:16

Tandanacushca criccunaman ama yallimana ayudana cachunca, criccunapac familiapi viuda tiyacpica, paicunaracmi ayudana can. Chaipimi, tandanacushca criccunamanca imatapish mana charic viudacunallaman ayudana tucunga.

1 TIMOTEO 3:7

Ima llaquipi, supaipac ima pandachinapi ama urmangapacca, tucui gentecunapac alli nishcami cana can.

GÉNESIS 43:24

Shinami chai mayordomoca paicunata Josepac huasiman pushashpa, yacuta curca. Chashna cucpica, chaquicunata jahuarircami. Shinallatac burrocunamanpish micunata cararcami.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

SAN MATEO 25:17

Ishcai talento cullquita japicpish, chai shinallatacmi mirachirca.