1 TIMOTEO 5:1 - Dios Rimashcata Quillcashcami

¹ Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

Nuevo Testamento en Quichua Cañar 1996

¹ Ñaupa huiñai taitacunata rimashpaca, ama sinchita rimangui, ashtahuanpish sumacta quiquin taitata shina cunangui. Shinallatac q'uipa huiñaicunataca, quiquin huauquita shina sumacta rimangui.

1 TIMOTEO 5:1 Referans Kwoze

LEVÍTICO 19:32

Yurac uma taitapac ñaupapi paita alli nishpa shayaringuichic. Ñucami Mandac Dios cani.

TITO 2:2

Ñaupa huiñai taitacunataca alli nishca, mana pucllaric, alli yuyaiyuc, alli cric, cuyac, mana piñaric,

1 PEDRO 5:1

Cunanca cancunapurapi cac tandanacushca criccunata pushaccunatami, ñucapish paicuna shinallatac pushac cashcamanta cunashpa rimasha nini. Ñucaca Cristo ima shina llaquita apashcata ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

TITO 2:6

Shinallatac mosocunatapish alli yuyaihuan purichun yachachingui.

SAN MATEO 23:8

Cancunaca ama “yachachicmi” nichun munanguichicchu. Shuclla Yachachicmi tiyan. Shinallatac huauquipurami canguichic.

1 TIMOTEO 5:17

Tandanacushca criccunata allita pushaccunaca, ashtahuancarin alli huillaita huillaccuna, yachachiccunami tucuimanta yallita japina can.

ROMANOS 13:7

Imata debishpaca pagaichic. Imata pagana cacpica pagaichic. Impuestota cuna cacpica cuichic. Maijanta cazuna cacpica, cazuichic. Maijanta alli nina cacpica, alli nichic.

HECHOS 15:4

Paicuna Jerusalenman chayacpica, apostolcuna, criccunata pushac yuyaccuna shinallatac tucui criccunami chasquirca. Pablopish, Bernabepish Dios paicunahuan ima shina cashcatami parlarca.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuranlla churanata churashca, umapipish curi coronata churashcami carca.

3 JUAN 1:1

Criccunata pushac ñucami, tucui shunguhuan cuyashca Gayoman cai quillcata quillcani.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca cuyaihuan caita quillcani. Mana ñucallachu cuyani, ashtahuanpish tucui mashnalla cashcata nic huillashcata uyashpa criccunami cuyancuna.

SANTIAGO 5:14

Maijanpish ungushca cashpaca, Apunchic Jesuspac shutipi aceiteta churashpa Diosta mañachun, tandanacushca criccunata pushaccunata cayac cachachun.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

HECHOS 20:17

Pabloca Mileto pueblopi cashpami, Efeso pueblo tandanacushca criccunata pushac yuyaccunata cayac cacharca.

HECHOS 15:6

Chaimantami apostolcunapish, pushac yuyaccunapish allita yuyarinacungapac tandanacurca.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.

1 TIMOTEO 5:2

Ñaupa huiñai mamacunatapish quiquin mamata shina, quipa huiñai solteracunataca quiquin panita shina chuya shunguhuan rimangui.