1 TIMOTEO 4:15 - Dios Rimashcata Quillcashcami

¹⁵ Diospacta ruhuashpa alli caticushcata tucui mashna ricuchunca, cai rimashcacunapi yuyaita churashpa allita ruhuangui.

Nuevo Testamento en Quichua Cañar 1996

¹⁵ Diospacta ruhuashpa alli c'aticushcata tucui mashna ricuchunca, cai ñuca nishcacunapi tucui yuyaita churangui.

1 TIMOTEO 4:15 Referans Kwoze

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

SALMOS 143:5

Ñaupa huatacuna can imata ruhuashcacunata yuyarishpami, cambac maquihuan allicunata ruhuashcata yuyaricurcani.

SALMOS 104:34

Mandac Diosta shungu ucupi yuyarishpaca cushicunimi. Ñucaca Mandac Dios-huanmi yallita cushicuni.

HECHOS 6:4

Paicuna chaita ruhuacucpica, ñucanchicca Diosta mañanatapish, paimanta huillanatapish mana saquishunchu— nirca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

SALMOS 119:97

¡Can mandashcacunataca yallitami cuyani! Punzhantami chai yuyailla cani.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.

1 TIMOTEO 4:6

Cai rimashcacunata criccunaman yachachishpa, crinata yachachic shimicunatapish, can caticushca alli yachanacunatapish micunata micuc shina yachacushpaca, Jesucristopacta allita ruhuacmi cangui.

SALMOS 119:148

Can mandashcacunata yuyaringapacmi, tutacunapish mana riccharina horaspi riccharircani.

SALMOS 119:99

Ima shina causanata can yachachishcacunaca ñuca yallita yuyarishpa causangapacmi can. Chaimantami ñucata tucui yachachiccunatapish yalli ashtahuan yachacurcani.

SALMOS 119:48

Can mandashcacunataca cuyarcanimi. Chaimantami ishcai maquihuan chasquishpa, chai mandashcacunata yuyarishpa causani.

SALMOS 119:15

Can mandashcacunatami allita yuyarishpa, can munashca shina causasha.

2 CORINTIOS 8:5

Paicuna cushpaca, mana ñucanchic yuyacushca shinachu curcacuna, ashtahuanpish paicunallatacmi puntaca Apunchic Jesucristoman curishpa quipaca Dios munashca shinami, ñucanchicpacta ruhuanatapish munarcacuna.

SALMOS 105:5

Pai ruhuashca sumaimanacunatapish, jatun mancharinacunata ruhuashcatapish, paipac shimihuan rimashpa llaquichinatapish yuyarichicyari.

SALMOS 49:3

Ñuca shimihuanca alli yachaitami rimagrini. Ñuca shunguhuanca alli yuyaitami cugrini.

SALMOS 19:14

Canca jatun rumi shina ñucata pacac, ñucata quishpichicmi cangui. Ñuca canman nishcacunapish, ñuca shungupi yuyashcapish can chasquinalla cashca cachun.

1 CORINTIOS 16:15

Cuyashca criccuna, Acaya llactapica Estéfanas paipac familiandi punta cric tucushcataca cancunallatac yachanguichicmi. Paicunami criccunata tucui shunguhuan ayudacuncuna.

SALMOS 119:23

Mandaccuna paicunapura tiyarishpa, ñucata rimacucpish, canta servic ñucaca pactachichun can cushca shimicunatami yuyaricurcani.

SALMOS 77:12

Tucui pai ruhuashcacunatami allita yuyarisha. Pai ruhuashcacunatami huillasha.

SALMOS 63:6

Ñuca camapi siricushpapish canta yuyarishami. Tuta riccharishca horaspimi cantaca yuyarini.

SALMOS 1:2

Chaipac randica Mandac Dios mandashcata pactachishpami cushicun. Pai mandashcapimi tutapish, punzhapish yuyaricunlla.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachishpa, cancunahuan pacta paipac ñaupaman ñucanchicta pushanga. Chaitaca yachanchicmi.

1 TIMOTEO 4:14

Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

NÚMEROS 8:26

Ashtahuanpish paicunapac huauquicunahuanmi ñucahuan tupana huasipi ricuccunata ayudanga. Mana servinachu can. Chashnami levitacunata servichun churana cangui» nirca.