1 TIMOTEO 4:10 - Dios Rimashcata Quillcashcami

¹⁰ Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

Nuevo Testamento en Quichua Cañar 1996

¹⁰ Ñucanchicca causac Diospimi shunguta churashcanchic. Paica tucui cai pachapi causaccunata Quishpichicmi. Ashtahuancarin paita criccunatami quishpichin. Chaimantami maijancuna p'iñacpipish, llaquita apashpa paipactaca ruhuashpa c'aticunchic.

1 TIMOTEO 4:10 Referans Kwoze

1 TIMOTEO 2:4

Paica quishpirinamanta alli huillaica chashnatac cashcata yachac chayashpa, tucui gentecuna quishpirichunmi munan.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.

1 TIMOTEO 2:6

Tucui gentecunata quishpichingapac, paillatac japi tucushpa huañushpami, Dios munashca punzhacuna pactacpica, quishpichic cashcata ricuchirca.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

1 JUAN 4:14

Ñucanchicllatacmi Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

SAN JUAN 4:42

Chaimantami chai huarmitaca: —Cunancarin mana can huillashcallamantachu crinchic, ashtahuanpish ñucanchicllatacmi pai ima nishcataca uyashcanchic. Chaimantami cai pachapi causaccunata quishpichingapac shamushcata yachanchic— nirca.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

SALMOS 84:12

¡Tucuita Mandac Dioslla, canpi shunguta churaccunaca maimi cushicunga!

HEBREOS 13:13

Chaimanta ñucanchicpish Jesús shinallatac pingai tucushpa, llaquita apangapac pueblomanta llucshishunchic.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

SALMOS 118:8

Gentecunapi shunguta churanapac randica, Mandac Diospi shunguta churashpa causanami alli.

SALMOS 52:8

Ashtahuanpish ñucaca verdinlla olivos yura shinami Diospac huasipica cani. Dios llaquishcamantaca huiñaitami paipi shunguta churashpa causasha.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

HEBREOS 11:26

Egipto llactapi achcata charic canatapish saquishpami, Cristo shinallatac llaquita apanata ashtahuan munarca. Chaica Dios cuna cashcata japina yuyailla cashpami, chaita munarca.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

SAN MATEO 27:43

Paica: “Diospac Churimi cani” nishpami, Dios yuyailla puricurca. Shina cacpica, Dios cuyashpaca quishpichinmanmi» nircacuna.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

JEREMÍAS 17:7

Ashtahuanpish Mandac Dios ñucata shuyashpa causacca alli nishcami canga.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

SALMOS 107:2

Mandac Dios quishpichishcacuna cancunata piñaccunapac maquimanta cacharichishcami canguichic. Chaimantami paita alabana canguichic.

SALMOS 37:40

Mandac Diosmi ayudashpa cacharichinga. Paita mana manchaccunapac maquimanta llucchishpami quishpichinga. Chaica, paita shuyacushcamantami chashnaca quishpichinga.

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

1 TIMOTEO 2:3

Chashna mañashpami allita ruhuanchic, shinallatac ñucanchicta Quishpichic Diostapish cushichinchic.