1 TIMOTEO 4:1 - Dios Rimashcata Quillcashcami

¹ Quipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcata catishpa,

Nuevo Testamento en Quichua Cañar 1996

¹ Chashna cacpipish q'uipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcatapish c'atishcamantami, crishcatapish saquishpa ña mana c'atishun ningacuna.

1 TIMOTEO 4:1 Referans Kwoze

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

SAN JUDAS 1:18

Paicunaca: «Tucuri punzhacunapica, paicuna munashca shina mana alli munaillahuan causashpa, burlaric gentecunami tiyanga» nircacunami.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami:

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

2 TIMOTEO 3:13

Ashtahuanpish millaita ruhuaccunapish, shinallatac shuccunata pandachiccunapish punzhanta ashtahuan ashtahuan mana allipi catishpami ashtahuan pandachishpa, paicunapish pandaringacuna.

1 JUAN 4:6

Ashtahuanpish ñucanchicca Diospacmi canchic. Diosta ricsiccunaca uyanmi. Mana Diospac caccunaca mana uyashun nincunachu. Shina cacpimi cashcata nic Diospac Espirituta charishcata, mana cashpaca llulla espirituta charishcata yachanguichic.

SAN JUAN 16:13

Cashcata nic Diospac Espíritu shamushpaca, mana paipac munaillamantachu rimanga, ashtahuanpish imata uyashcallatami huillanga. Chaimantami cashcata ruhuanata yachachinga. Shinallatac tucui imalla tucugricushcatapish yachachinga.

1 JUAN 2:18

Cuyashca huahuacuna, tucuri punzhacunaca ñami chayamushca. Llullashpa huillac, Cristota piñac runa shamungami nishcataca uyashcanguichicmi. Chai shinallatac Cristota piñaccuna ña taucacuna ricurimucpimi tucuri punzhacuna ña chayamushcataca yachanchic.

DANIEL 10:14

Chai muscuipi shina ricushcaca shamuc punzhacunapimi tucunga. Chaimantami tucuri punzhacunapi cambac llacta gentecuna ima tucunata huillac shamuni” nirca.

APOCALIPSIS 2:11

Maijanpish ringrita charicca, Diospac Espíritu tandanacushca criccunaman ima nicushcata uyachun. Millaita mishacca quipa huañuipica ima llaquita mana apangachu” ninmi.

2 TIMOTEO 4:4

Cashcata nic huillashcata mana uyashun nishpami, imapish yanga parlocunallata uyangacuna.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

APOCALIPSIS 3:6

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 2:29

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

COLOSENSES 2:18

«Diosta alli cazuccunami canchic» nishpa nic tucuccuna, «angelcunata alli niccunami canchic» niccuna, shinallatac «muscuipi imatapish ricuccunami canchic» niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

1 CORINTIOS 10:20

Ashtahuanpish ñucaca: “Diosta mana ricsiccunaca diablomanmi animalcunata huañuchishpa cuncuna, mana Diosman cuncunachu. Chaimanta ama diabloman cuccunahuan tandarichun” ninimi.

MIQUEAS 4:1

Shamuc punzhacunapica Mandac Diospac huasi tiyacuc urcuca tucui urcucunamanta yallimi canga. Tucuita yalli ashtahuan jatunmi canga. Chaimantami tucui llactacunamanta chai urcuman chayanga.

JEREMÍAS 49:39

Shina ruhuashpapish, tucuri punzhacunapica Elam llactamanta prezu apashca gentecunataca cutichimushami. Chaitaca Mandac Dios ñucami nini» ninmi.

JEREMÍAS 48:47

Shina cacpipish, tucuri punzhacunapimi Moab llactapi causaccunataca prezumanta cutin cutichimusha. Chaitaca Mandac Dios ñucami nini» ninmi. Moab llactata llaquichina cashcata huillashcaca caicamanllami.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

DEUTERONOMIO 4:30

Quipa punzhacunapi llaquicuna japicpi, jatun llaquicunahuan cashpaca, Mandac Diosman cutirishpa, pai rimashcata uyanguichicmi.

NÚMEROS 24:14

Riqui, cunanca ñuca llactaman rigrinillami. Shina cacpipish, tucuri punzhacunapi israelcuna cambac llactacunapi causaccunata imata ruhuagricushcata huillangapac shamui— nirca.

GÉNESIS 3:13

Shina nicpimi, Mandac Diosca huarmitaca: —¿Imatatac ruhuarcangui?— nirca. Chaimantami huarmica: —Culebramari umarca, chaimantami micurcani— nirca.

APOCALIPSIS 20:8

Paimi gentecunaman llullashpa crichingapac, tucui cai pachapi tiyac llactacunata puringa. Shinami Gog nishca, Magog nishca soldadocunatapish macanacungapac tandachinga. Chai soldadocunaca mama cuchapi tiyac tiyu shinami can.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 9:20

Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.

APOCALIPSIS 3:22

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 3:13

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

1 CORINTIOS 12:11

Ashtahuanpish tucui caicunataca Diospac shuclla Espiritumi ruhuachin. Paimi maijanman cusha nishca shina, imata ruhuaipacta ricushpa cun.

HECHOS 28:25

Chaimanta paicunapura mana shuc yuyailla tucushpa, rigricpimi Pabloca: —Allimi Dios ima nishcata huillac Isaiasca, Diospac Espíritu yuyachicpica huillarca. Paica:

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

HECHOS 13:2

Paicuna ayunashpa, Diosta mañashpa tiyacucpimi, Diospac Espirituca: «Bernabetapish, Saulotapish huillachun cachaichic. Paicunataca ñami acllarcani» nirca.

EZEQUIEL 1:3

Chaipimi Mandac Diosca caldeocunapac llactapi cac Quebar yacu patapi ñucaman huillarca. Ñucaca Buzipac churi Ezequielmi cani. Chaipimi Mandac Diosca ñucata rimarca.

APOCALIPSIS 16:14

Chaicunaca pi mana ruhuaipacta ruhuashpa ricuchic, supaipac millai espiritumi carca. Chaicunaca tucui cai pachapi tiyac jatun mandaccunapacman rishpami, tucui poderta charic Diospac jatun macanacuna punzhapi macanacungapac tandachigrirca.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

1 REYES 13:18

Shina nicpimi, caishuc runaca: —Ñucapish can shinallatac Dios ima nishcata huillacmi cani. Mandac Dios cachashca shuc ángel shamushpami ñucataca: “Tandata micuchun, yacutapish ubiachun, cambac huasiman pushamugri” nishpa cacharca— nirca. Cai rimaicunataca llullashpami nirca.

JEREMÍAS 23:26

Chai huillaccunaca, ¿ima horascamantac chashna huillacunga? ¿Ima horascamantac paicunapac shungu munashcallata, yuyarishcallata llullashpa huillanga?

SAN MATEO 18:7

Cai pachapica, juchapi urmachiccunaca tiyangallatacmi. Mana tucuringachu. Shina cacpipish, ¡juchapi urmachicca, imachari tucunga!

SAN LUCAS 17:1

Jesusca paipac yachacuccunataca: «Juchapi urmaccunaca tiyangallatacmi. Shina cacpipish maijanpish juchapi urmachicca, ¡imachari tucunga!

HECHOS 20:23

Ashtahuanpish Diospac Espiritumi ñucataca: “Mai puebloman rishpapish, llaquitami apangui, carcelpi churashcami cangui” nishcallatami yachani.

HECHOS 21:11

Pai ñucanchicpacman cuchuyashpa, Pablopac chumbillinata japishpa, paipac chaqui maquillata huatarishpaca: —Diospac Espirituca: “Cai chumbiyuctaca Jerusalén pueblo israelcunami huatashpa, mana israelcunaman cunga” ninmi— nirca.

1 CORINTIOS 2:10

Ashtahuanpish Diosmi paipac Espirituhuan ñucanchicman yachachishca. Diospac Espirituca tucuitami ricsin, Dios imata yuyacushcatapish yachanmi.

1 CORINTIOS 11:19

Cancunapurapi alli cric tiyashcata yachangapacca, chicanyarinacui tiyanami can.

SANTIAGO 3:15

Chai shina yachac canaca mana Diosmantachu shamun, ashtahuanpish cai pacha gentecuna yuyashcallamanta shinallatac diablomantami shamun.