1 TIMOTEO 3:13 - Dios Rimashcata Quillcashcami

¹³ Criccunata ayudaccuna chashna allita ruhuashpaca, alli nishcami cangacuna. Apunchic Jesusta crinamantapish mana manchashpami huillangacuna.

Nuevo Testamento en Quichua Cañar 1996

¹³ Criccunata ayudaccunaca chashna allita ruhuashpami, tucui criccunapacpish alli nishca canga. Chashna cashpami Apunchic Jesusta crishcatapish mana manchashpa huillangacuna.

1 TIMOTEO 3:13 Referans Kwoze

SAN MATEO 25:21

Chashna nicpimi amoca: “Allitami ruhuashcangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui” nirca.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

2 TIMOTEO 2:1

Ñuca huahua shina Timoteo, canca Jesucristohuan shuclla cashcamanta, Dios cuyashpa allicunata cushcahuan sinchi tucuiyari.

1 TESALONICENSES 2:2

Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi.

FILIPENSES 1:14

Shinallatac ñuca caipi prezu cacta yachashpami, maijancunalla saquirishpa achca criccuna ashtahuan sinchi cric tucushpa, Apunchic Jesusmanta mana manchashpa, Diosmanta alli huillaita huillacuncuna.

1 CORINTIOS 16:15

Cuyashca criccuna, Acaya llactapica Estéfanas paipac familiandi punta cric tucushcataca cancunallatac yachanguichicmi. Paicunami criccunata tucui shunguhuan ayudacuncuna.

HECHOS 21:35

Cuartel gradaman chayacucpica, tauca gentecunami piñarishpa caticurca. Chaimantami Pablota huandushpa aparcacuna.

HECHOS 6:15

Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

HECHOS 6:8

Diosca Estebanta cuyashpami, milagrocunatapish, mancharinacunatapish israelcunapurapi ruhuachun poderta curca.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

SAN LUCAS 19:17

Chashna nicpimi chai mandacca: “Allimi, allitami ruhuashcangui. Ashallatapish, alli ruhuashcamantaca chunga pueblocunatami mandachun cugrini” nirca.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

1 TIMOTEO 3:14

Canta ñalla ricugrina yuyailla cashpapish, caitami quillcashpa cachani.