1 TIMOTEO 2:2 - Dios Rimashcata Quillcashcami

² jatun mandaccunamanta, llactatac mandaccunamanta, ñucanchic sumacta apanacushpa cangapacca, Diosta mañashpa causachunmi munani. Shina mañashpami Diosta cazushpa, imapipish alli nishca cashun.

Nuevo Testamento en Quichua Cañar 1996

² Tucui ñucanchic sumacta apanacushpa causangapacca, jatun mandaccunamantapish shinallatac llactata mandaccunamantapish Taita Diosman mañashpami causachun munani. Shina mañashpami Diosta cazushpa, imapipish alli nishca cashun.

1 TIMOTEO 2:2 Referans Kwoze

ESDRAS 6:10

Chai animalcunataca jahua pachapi causac Diosman rupachishpa, mishquillata ashnachichun, shinallatac ñucapac causaimantapish, churicunapac causaimantapish mañachunmi cuna canguichic.

JEREMÍAS 29:7

Cancuna prezu tiyacuc llactapi cushi causai tiyachun munaichic. Chai llactapi cushi causai tiyacpica, cancunapish casillami causanguichic. Chaimanta cushi causai tiyachun ñucata mañaichic.

PROVERBIOS 24:21

Ñuca huahualla, Mandac Diostapish, jatun mandactapish manchangui. Mana cazuccunahuanca ama tandanacuichu.

1 TESALONICENSES 4:11

Ñucanchic cancunata mandashca shinallatac, quiquin maquihuan imatapish ruhuashpa, tucuihuan sumacta causanata yuyaichic.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

ROMANOS 12:18

Tucuihuan cushilla causanata munaichic.

SALMOS 72:1

Dioslla, cashcata ruhuanata jatun mandacman yachachiyari. Paipac churimanpish allita mandanata yachachiyari.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

SAN LUCAS 2:25

Simeón shuti runami Jerusalenpi causarca. Paica Diosta cazucpish, cashcata ruhuacpishmi carca. Paica israelcunata Dios quishpichingapac shamuctami shuyacurca. Diospac Espiritumi paihuan carca.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

2 SAMUEL 20:19

Ñucaca cushi causaita munac, israelcunata allita cazucmi cani. Ashtahuanpish canca tucui israelcunapac mama shina pueblotami tucuchisha ningui. ¿Ima nishpatac Mandac Dios cushca pueblotaca tucuchisha ningui?— nirca.