1 TESALONICENSES 1:3 - Dios Rimashcata Quillcashcami

³ Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

Nuevo Testamento en Quichua Cañar 1996

³ Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

1 TESALONICENSES 1:3 Referans Kwoze

1 CORINTIOS 13:13

Caicunamanta nishpaca, crinapish, imata shuyana cashcata shuyanapish, cuyaita charinapish tiyashpa catingallami. Ashtahuanpish cai quimsacunamanta yallica cuyaimi.

APOCALIPSIS 2:19

Ñucaca can imata ruhuacushcata, cuyacushcata, crishpa caticushcata, servicushcata, shinallatac callaripi ruhuacushcata atishpa cunan ashtahuan allita ruhuacushcatapish yachanimi.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

2 TESALONICENSES 1:11

Chaimantami Dios paipac poderhuan pai munashca shinata ruhuachichun, cancuna crishcamanta alli ruhuaicunatapish, alli yuyaicunatapish cuchun, cayashcacuna cashcatatac ricuchichun nishpami cancunamanta punzhanta mañacunchiclla.

1 JUAN 5:3

Maijanpish Diosta cuyacca pai mandashcatami pactachin. Pai mandashcacunaca pactachinallami can.

GÁLATAS 6:9

Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

1 JUAN 3:3

Maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchurin.

1 TESALONICENSES 3:6

Shina cacpipish Timoteo Tesalonicamanta cutimushpami, cancuna allita crishpa, cuyanacushpa causacushcata huillashpa cushichirca. Ima shinami ñucanchic cancunata ricuna yuyailla canchic, chai shinallatac cancunapish ñucanchicta ricuna yuyailla cashcatami huillarca.

1 JUAN 3:18

Ñuca cuyashca huahuacuna, ama shimillahuan “cuyanimi” nishunchic, ashtahuanpish imatapish ruhuashpatac cuyashcata ricuchishun.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

1 CORINTIOS 15:58

Chaimanta cuyashca criccuna, pi ama urmachichun, Apunchic Jesusta tucui shunguhuan crishpa catiraichic. Apunchic Jesuspac ruhuaitaca punzhanta ruhuacuichiclla. Apunchic Jesus-huan cancuna imata ruhuashcaca mana yangachu canga.

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

1 JUAN 3:21

Cuyashca huauquicuna, shina ñucanchic shungu imata mana juchanchicpica, Diospac ñaupapipish allillatacmi cashun.

1 PEDRO 3:4

Chaipac randica cancunapac ucu shungumantatac allichirishpa, mana piñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.

HEBREOS 11:17

Abrahamca crishcamantami, Dios ima shina cric cashcata ricusha nicpica, paipac shuclla churi cacpipish,

HEBREOS 6:15

Abrahamca cushicushpa piñarishpa, shuyacushpami, Dios cusha nishcataca chasquirca.

1 TIMOTEO 2:3

Chashna mañashpami allita ruhuanchic, shinallatac ñucanchicta Quishpichic Diostapish cushichinchic.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

ROMANOS 16:6

Cancunata yallita ayudac Mariatapish saludanguichic.

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

ROMANOS 12:12

Apunchic Jesusta shuyacushpaca, cushicushpa causaichic. Apunchic Jesusmanta llaquita apacushpaca, ama piñarichicchu. Diosta mañanataca ama saquichicchu.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

SAN JUAN 14:15

Ñucata cuyashpaca, ñuca mandashcacunata cazunguichic.

CANTARES 8:7

Chaitaca achca yacucunapish maita mana huañuchi pudinchu. Shinallatac jatun yacucunapish maita mana tucuchi pudinchu. Cuyaitaca tucui imalla charishcacunahuan randisha nishpapish mana pudinchu.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

GÉNESIS 29:20

Shinami Jacoboca Raquelmantaca canchis huatata trabajangapac saquirirca. Shina cacpipish, Raquelta yallita cuyashcamantaca ashalla huatacuna shinami Jacobomanca ricurirca.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

HEBREOS 4:11

Chai ñaupa mana cazuccuna shina maijanpish ama chashna tucungapacca, mana saquirishpami chai samarinaman yaicungapac catirana canchic.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

ROMANOS 16:26

Huiñaita causac Dios mandashca shinami, cunanca chai pacashcataca Dios ima nishcata huillaccuna quillcashca shina ricuchin. Cai pacashcatami tucui cai pachapi causaccuna crishpa cazuchun ricuchishca.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

APOCALIPSIS 3:10

Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.

1 TIMOTEO 1:14

Ñucanchic Apunchic Jesucristohuan shuclla tucucpica, cuyaitapish, crina yuyaitapish, ñucata yallita cuyashcamantami Apunchic Jesucristoca curca.