1 SAMUEL 9:13 - Dios Rimashcata Quillcashcami

¹³ Puebloman ña yaicushpaca manarac micungapac lomaman huichai ricpimi tupanguichic. Gentecunaca pai chayangacaman mana micungachu. Paimi Diosman cushca animaltaca bendicianga. Chai quipami tucui riccuna micunga. Cunan utca rishpaca manarac huichaiman ricpimi tupanguichic— nirca.

1 SAMUEL 9:13 Referans Kwoze

SAN JUAN 6:11

Jesusca chai tandata japishpa, Diosta pagui nishpaca, yachacuccunamanmi raquichun curca. Challuata japishpapish, chashnallatacmi ruhuarca. Chashna ruhuacpica, mana nictami micurcacuna.

1 TIMOTEO 4:4

Dios ruhuashcacunaca, tucuimi alli. Chaimantami Diosta pagui nishpa, imatapish mana millashpa chasquina canchic.

1 CORINTIOS 10:30

Ñuca Diosta pagui nishpa micucpica, ¿ima nishpatac ñuca micushcamanta shuccunaca rimanga?

SAN JUAN 6:23

Chaimanmi Tiberias pueblomanta canoacuna shamushpa chai yacu patapi shayarirca. Chaipimi Jesusca Diosta pagui nishpa, tandata carashca carca.

SAN LUCAS 24:30

Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca.

MARCOS 6:41

Chai quipami Jesusca pichca tandata, ishcai challuata japishpa, jahua pachata huichailla ricushpa, Diosta pagui nirca. Shinami pichca tandata, ishcai challuata chaupishpa chaupishpa, gentecunaman carachun paipac yachacuccunaman curca.

SAN MATEO 26:26

Chashna micucushpami, Jesusca tandata japishpa, Diosta pagui nishpa, chaupishpa yachacuccunaman cushpaca: —Japichic, micuichic. Caica ñuca aichami— nirca.

SAN MATEO 14:19

Chaimantami gentecunata quihua pambapi tiyarichun mandashpa, chai pichca tandata, ishcai challuata japishpa, huichailla ricushpa, Diosta pagui nishpaca, chaupishpa, paipac yachacuccunaman curca. Paicunaca gentecunamanmi cararca.

SAN LUCAS 9:16

Jesús chai pichca tandata, ishcai challuata japishpaca, jahua pachata huichailla ricushpami, Diosta pagui nirca. Shinami chaupishpa chaupishpa, gentecunaman carachun paipac yachacuccunaman curca.

1 SAMUEL 2:35

Chai quipami ñucata alli cazuc curata churasha. Paica ñuca shungu ñuca alma munashcatami ruhuanga. Paipac huasi ucupuratapish sinchi cachunmi churasha. Shina ruhuacpimi, aceitehuan cahuishca ñucapaclla runapac ñaupapi punzhanta causanga.

1 SAMUEL 9:14

Shina nicpimi, paicunaca puebloman huichai rirca. Paicuna puebloman chayashpa, chaupi pueblopi cacpimi, Samuelca lomaman huichai ringapac paicunapacman cuchuyarca.

2 SAMUEL 15:11

Absalonhuanca ishcai patsac gentecunatami Jerusalenmanta cayashpa aparirca. Paicunaca imata ruhuagricushcata mana yachashpami rirca.