1 SAMUEL 7:12 - Dios Rimashcata Quillcashcami

¹² Chai quipami Samuelca shuc jatun rumita japishpa, Mizpa pueblohuan Sen pueblohuan tupanacui chaupipi churashpaca: «¡Mandac Diosca caicamanmi ñucanchictaca ayudashca!» nishpa, Eben-ezerta shutichirca.

1 SAMUEL 7:12 Referans Kwoze

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

JOSUÉ 4:9

Shinallatac Josuepish, Jordán yacu chaupipimi Dios ari nishca quillcata huacaichina Arcata huandushpa ric curacuna shayacushca pushtupi chunga ishcai rumicunata shayachirca. Chai rumicunaca cunancamanmi chaillapitac can.

HECHOS 26:22

Chaipi Dios ñucata cuidashcamantami uchillacunamanpish, jatuncunamanpish huillacuni. Dios ima nishcata huillaccuna huillashcallata, Moisés quipaman ima tucunata huillashcallatami huillacuni.

GÉNESIS 22:14

Chaimantami Abrahamca chai urcutaca: «Mandac Diosca ima illashcata cunllami» nishpa shutichirca. Cunancamanmi chai urcutaca: «Mandac Diosca ima illashcata cunllami» nishpa cayancuna.

GÉNESIS 35:14

Jacoboca paihuan parlanacushca pambata señalangapacmi rumita shayachirca. Chai jahuapica aceitetapish, vinotapish tallircami.

1 SAMUEL 5:1

Diospac Arcata filisteocuna quichushpaca Eben-ezer pueblomantaca Asdod pueblomanmi aparca.

ISAÍAS 19:19

Chai punzhapica Mandac Diospac shuc altarmi Egipto llacta chaupipica tiyanga. Egipto llacta lindero ladopica Mandac Diosta yuyachic shuc rumimi tiyanga.

SALMOS 71:17

Sumac Dioslla, huambramanta pachami ñucataca yachachircangui. Chaimantami jatun mancharinacunata can ruhuashcataca huillacunilla.

SALMOS 71:6

Ñucataca mamapac huicsapi cacpiracmi cambac maquipi charircangui. Ñuca mamapac huicsamantapish canmi llucchircangui. Chaimantami canllata alabasha.

1 SAMUEL 4:1

Samuelca tucui israelcunamanmi huillarca. Chai punzhacunallatacmi, israelcunaca filisteocunahuan macanacungapac llucshishpa, Eben-ezer ladopi carpa huasicunata shayachishpa tiyarirca. Cutin filisteocunapish, Afec pueblopimi carpa huasicunata shayachishpa tiyarirca.

ÉXODO 17:15

Chai quipaca Moisesca chaipi shuc altarta ruhuashpami “Mandac Diosca ñuca banderami” nishpa shutichirca.

1 SAMUEL 7:11

Israelcunaca Mizpa pueblomanta llucshishpami filisteocunataca Bet-car pueblo ura ladocaman catishpa huañuchirca.

1 SAMUEL 14:35

Cutin Saulca Mandac Diosmanmi shuc altarta ruhuarca. Chai altartami Mandac Diosmanca punta ruhuarca.