1 SAMUEL 6:18 - Dios Rimashcata Quillcashcami

¹⁸ Curi ucuchacunaca filisteocunapac pueblocunata pichca mandaccuna shinallatacmi pichca carca. Muyundi pircashca pueblocuna mashna tiyashca, pirca illac uchilla pueblocuna mashna tiyashca shinallatacmi carca. Mandac Diospac Arcata churashca jatun rumica Bet-semes pueblopi causac Josuepac allpapimi cunancaman tiyacun.

1 SAMUEL 6:18 Referans Kwoze

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

DEUTERONOMIO 3:5

Tucui chai llactacunami alto pircacunahuan jarcashca, pungucunapish jatun fierrocunahuan huichcashca carca. Mana pircashca llactacunaca mana yupashcachu carca.

1 SAMUEL 6:4

Shina nicpimi filisteocunaca: —Chai juchata anchuchichunca ¿Imatatac cushunyari?— nirca. Shina tapucpimi curacunaca: —Filisteocunata mandaccuna mashna cashca shinallatac pichca curi chuputapish, pichca curi ucuchatapish saquigringuichic. Chai ungüillatacmi tucui cancunatapish, cancunata mandaccunatapish llaquichicun.