1 SAMUEL 5:3 - Dios Rimashcata Quillcashcami

³ Asdod pueblopi causaccuna cayandi tutamanta jatarishpaca Dagón diosca Mandac Diospac Arca ñaupapi urai singa urmashpa siricushcatami ricurca. Chaimantaca tucuilla jatarichishpami, pai tiyacushca pushtullapitac cutin churarca.

1 SAMUEL 5:3 Referans Kwoze

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

MARCOS 3:11

Millai supaicuna Jesusta ricushpa, paipac ñaupapi cungurishpaca: —¡Canca Diospac Churimi cangui!— nishpa caparircacuna.

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

ISAÍAS 41:7

Caspita llacllacca cullquimanta imatapish ruhuactami cushichin. Martillohuan huactashpa, llambucllata ruhuacca yunquepi fierrocunata huactactami: «¡Cai fierroca allimi llucshishca!» nishpa cushichin. Chai quipaca clavocunahuan clavashpami yanga dioscunata alli shayachin.

ISAÍAS 40:20

Huaccha runa ofrendata cungapacca, mana polillac caspitachu mashcan. Chai quipaca imamanpish ricchata ruhuachunmi, alli yachac runata mashcashpa, mana cuyuric diosta ruhuachin.

SALMOS 97:7

Rumita labrashpa ruhuashca dioscunata serviccuna, yangalla dioscunahuan cushicuccuna pingaichicyari. ¡Tucui dioscuna paipac ñaupapi cumurichicyari!

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

1 SAMUEL 6:5

Cancunapac llactata tucuchicuc chupu shinata, ucuchacuna shinata curimanta ruhuashpa israelcunapac Diostaca allimari cangui nichic. Chashna ruhuacpica cancunatapish, cancunapac dioscunatapish, cancunapac allpacunatapish, paipac poderhuan llaquichinataca saquingapishchari.

1 SAMUEL 6:1

Mandac Diospac Arcaca canchis quillatami filisteocunapac llactapi carca.

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

SALMOS 115:7

Maquita charishpapish mana maquita cunchu. Chaquita charishpapish mana purinchu. Cungata charishpapish imata mana rimarinchu.