1 SAMUEL 4:17 - Dios Rimashcata Quillcashcami

¹⁷ Shina tapucpimi, chai runaca: —Filisteocuna macanacushpa mishacpimi, israelcunaca miticushpa callparca. Israelcunapurapica achca huañushcami tiyan. Cambac churicuna, Ofnitapish, Fineastapish huañuchishpami Diospac Arcatapish quichushpa aparcacuna— nirca.

1 SAMUEL 4:17 Referans Kwoze

1 SAMUEL 3:11

Shina nicpimi, Mandac Dios Samueltaca: —Riqui, cai israelpurapica jatun mancharinatami ruhuagrini. Chashna ruhuashcata maijan uyashpaca ishcai ringritami nanachinga.

1 SAMUEL 2:34

Chashnatac cagricushcata can ricuchunmi cambac churicuna Ofni, Fineasca shuc punzhallatac ishcaita huañunga.

1 SAMUEL 4:16

Chai runaca Elitaca: —Ñucaca jatun macanacuimanta miticushpa shamuc runami cani. Cunanmi jatun macanacuimanta miticurcani— nirca. Shina nicpimi Elica: —Ñuca huahualla, ¿imatac tucurcayari?— nishpa tapurca.

1 SAMUEL 4:18

Diospac Arcata quichurcami nicpica, bancumanta Elica azhacman tigrarca. Paica ña yuyac cashcamanta shinallatac llashac cashcamantami urmashpaca nucata paquishpa huañurca. Paica chuscu chunga huatatami israelcunataca mandarca.

SALMOS 78:61

Paica tucuita ruhuac cashcatapish, sumaimana cashcatapish yangalla tucushpami piñaccunapac maquipi churarca.

SALMOS 78:64

Paicunapac curacunatapish espadahuanmi huañuchirca. Viuda huarmicunaca mana llaquirishcata ricuchi pudircachu.

1 SAMUEL 3:12

Chai punzhapimi Elí curata llaquichishpa, paipac huasi ucupurata llaquichisha nishcataca callarimanta tucuricaman pactachisha.