1 SAMUEL 30:2 - Dios Rimashcata Quillcashcami

² Paicunaca huarmicunatapish, tucui chaipi causaccunatapish, huahuacunamanta pacha callarishpami, yuyaccaman prezushpa aparca. Shina apashpapish shucllatapish mana huañuchircacunachu.

1 SAMUEL 30:2 Referans Kwoze

1 SAMUEL 27:11

Davidca pai llaquichishcata Gat pueblota jatun mandacman ama huillangapac shamuchunmi maijan pueblopi cashpapish caritapish, huarmitapish tucui huañuchirca. Chashnami paica filisteocunapac llactapi causacui punzhacunaca ruhuarca.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

JOB 38:11

Chaimantaca: “Caicamanllami chayana cangui. Caimantaca jatun huaj nicuc yacuca mana pasangachu” nircanimi.

1 SAMUEL 30:19

Tucui shuhuashcacunataca uchillatapish, jatuntapish, churicunatapish, ushicunatapish tucui shuhuashpa aparishcamantaca tucuitami quichumurca. Chashnami Davidca tucui pai charishcacunata cutichimurca.

1 SAMUEL 30:3

David paipac runacunandi chai puebloman chayashpaca, tucui rupachishcata, huarmicunatapish, churicunatapish, ushicunatapish, prezu apashcatami ricurca.