1 SAMUEL 30:16 - Dios Rimashcata Quillcashcami

¹⁶ Chai runa pushashpa ricpica, chai shuhuac runacuna tucui chai pambapi caipi chaipi micushpa, ubiashpa, fiestata ruhuashpa tiyacuctami japirca. Filisteocunapac llactamanta, Judá llactamanta shuhuashpa apashcacunahuanmi yallita cushicushpami tiyacurca.

1 SAMUEL 30:16 Referans Kwoze

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

ISAÍAS 22:13

Huagracunata, ovejacunata huañuchishpa, micushpa, vinota ubiashpa yallita cushicushpami: «¡Micushunchic, ubiashunchic, cayaca huañushunmi!» ninguichic.

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

2 SAMUEL 13:28

Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.

1 SAMUEL 30:14

Ñucanchicca Neguev pambapi causacuc cereteocunatapish, Judá llactapi causaccunatapish, Neguev pambapi causacuc Calebpac huahua huahuacunatapish llaquichircanchicmi. Shinallatac Siclag pueblotaca ninata churashpami rupachircanchic— nirca.

ÉXODO 32:6

Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

JOSUÉ 22:8

Chashna cachacushpaca: —Cancunaca cancunapac carpa huasicunaman, achca charishcacunahuan, achca animalcunahuan, curihuan, cullquihuan, broncehuan, achca churanahuan cutichiclla. Cancunata piñaccunamanta quichushcacunataca cancunapac huauquicunahuan chaupinacunguichic— nirca.

1 SAMUEL 30:15

Shina nicpimi Davidca: —¿Chai shuhuac runacunapacman ñucanchicta pushai pudinguichu?— nishpa tapurca. Shina nicpimi, chai runaca: —Can ñucata mana huañuchingapac, ñuca amopac maquipipish mana churangapac Diospac shutipi ari nicpica, chai shuhuac runacunapacman pushashallami— nirca.

SALMOS 119:162

Macanacushpa achcata japishpa cushicuc shinami, can rimashcahuanca yallitami cushicuni.

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

JUECES 8:11

Gedeón chaimanta rishpaca, Noba pueblomanta, Jogbeha pueblomanta inti llucshina ladota huichai rishpami, paicuna tiyacuc carpa huasicunaman cungailla yaicushpa macarca. Chai horasca mana paicunapac soldadocunaca cuidacurcachu.

1 CRÓNICAS 4:43

Chashna rishpami amalecitacunatapish huañuchishpa, cunan punzhacaman chaipi causancuna.