13 Paipac churicuna mana allita ruhuacpi, pai mana rimashcamantami paipac huasi ucupurataca huiñaita llaquichisha. Chaitaca paica yachanmi.
Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.
Cambac churi uchilla cacpirac yachachi. Shina cashpapish cambac shungupica ama huañuchina yuyaihuan canguichu.
Elipac churicunaca Diosta mana manchaccuna cashpami, Mandac Diosmantaca imatapish mana yacharca.
Elipac churicunaca Diosman cushca aichataca yanga cashcatami yuyaccuna carca. Chaimantami paicunapac juchaca Mandac Diospac ñaupapica yallita mana alli carca.
Israelcunalla, tucui cancuna ruhuashcatami taripasha. Tucui millaita ruhuashcamanta llaquirishpa, ñucapacman cutimuichic. Chashna cutimucpica, cancunapac juchamantaca mana llaquichishachu.
Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.
Shina cacpipish, paipac taita Davidca pai ima mana allita ruhuacpipish: «¿Ima nishpatac chashna ruhuacungui?» nishpaca, mana rimacchu carca. Adoniasca alajami carca. Paica Absalonpac quipami huacharirca.
Varahuan macashpa yachachicpimi, huahuaca allita yachacunga. Ashtahuanpish imata ruhuachun saquicllapica mamatami pingaichinga.
Quiquinllatac shungupi “mana allichu cani” yuyacucpipish, Diosca ñucanchic shungutapish yalli yachac cashcamantaca tucuitami yachan.
Mandac Diosca: «Tucui llactacunapi causaccuna riccharishpa, Josafat pambaman richicyari. Ñucaca tucui muyundi llactacunapi causaccunata taripangapacmi tiyarisha.
Canpish tauca cutinmi shuccunata mana alli nishpa rimarcangui. Chaitaca canllatac yachanguimi.
Ñucanchic Mandac Dioslla, paicuna chashna ruhuashcamanta llaquichiyari. Ñucanchic-huan macanacungapac shamuc achca gentecunahuan shayaringapacca mana fuerzata charinchicchu. Ima ruhuanatapish mana yachanchicchu, ashtahuanpish canllatami chaparacunchic» nirca.
Cutinllatac jatun mandac, Simeita rimashpaca: «Ñuca taita Davidta piñashpa, tucui mana allita ruhuashpa can llaquichishcataca, allimi yachangui. Mandac Diosca chai llaquillatatacmi canmanpish tigrachigrin.
Mandac Diosta servic curatapish, jueztapish maijan mana cazushpa, quiquin munashcata ruhuacpica, chai runataca huañuchinami canguichic. Chashnami israelpuramanta millaita anchuchinguichic.
Shuc runa mana cazuc, sinchi shungu, taita mamatapish mana cazuc, paicuna mashnata macacpipish, mana uyacpica,