1 SAMUEL 3:1 - Dios Rimashcata Quillcashcami

¹ Samuel huambraca Elí curapac ñaupapimi Mandac Diospacta ruhuashpa causarca. Chai punzhacunapica Mandac Diospac rimashca shimica maijan cutinllami uyarirca. Shinallatac maijan cutinllami muscuipi shina ricuric carca.

1 SAMUEL 3:1 Referans Kwoze

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

1 SAMUEL 3:21

Mandac Diosca cutinllatacmi, Silo pueblopi ricurirca. Mandac Diosca Silo pueblopimi Samuelman paipac rimashca shimitaca huillac carca.

1 SAMUEL 2:11

Chai quipami Elcanaca Ramá pueblopi tiyac paipac huasiman cutirca. Chai huambraca Elí curapac ñaupapimi Mandac Diospacta ruhuangapac saquirirca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.

ISAÍAS 13:12

Gentecunataca Ofir llactamanta apamushca sumac curita shinami, ashallata saquisha.

1 SAMUEL 3:15

Samuelca cayandi tutamantacamanmi sueñucurca. Ña jatarishpaca, Mandac Diospac huasi pungucunatami pascarca. Shina cashpapish muscuipi ricushcata Eliman parlanataca mancharcami.

1 SAMUEL 2:35

Chai quipami ñucata alli cazuc curata churasha. Paica ñuca shungu ñuca alma munashcatami ruhuanga. Paipac huasi ucupuratapish sinchi cachunmi churasha. Shina ruhuacpimi, aceitehuan cahuishca ñucapaclla runapac ñaupapi punzhanta causanga.

1 SAMUEL 2:36

Ashtahuanpish cambac huasi ucupuramanta saquirishca runa, asha cullquita, asha micunata charingaraicu chai runapac ñaupapi cungurishpaca: ‘Asha micunata charingapac curacuna ruhuana cashcapi ayudangapac ñucata churaiyari’ nishpa mañangami” ninmi» nirca.

PROVERBIOS 29:18

Dios huillashcata mana pi huillacpica, quiquin munashcata ruhuashpami chingarin. Ashtahuanpish mandashcacunata pactachic runaca yallitami cushicun.

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.