1 SAMUEL 28:14 - Dios Rimashcata Quillcashcami

¹⁴ Shina nicpimi Saulca: —¿Chaicunaca imalayatac ricurin?— nishpa tapurca. Shina nicpimi, chai huarmica: —Yuyac runami, jahualla churanahuan pillurishpa llucshicun— nirca. Shina nicpi, Saulca Samuelmi canga yuyashpa, allpaman chayacta cumurirca.

1 SAMUEL 28:14 Referans Kwoze

1 SAMUEL 15:27

Chashna nishpami Samuelca cutishpa ri callarirca. Ña ricucpimi, Saulca Samuelpac jahualla churanata puntamanta chutarca. Chashna chutacpimi, chai churana puntaca lliquirirca.

2 REYES 2:8

Chaipimi Eliasca paipac jahualla churanata llucchishpa, patarishpaca yacupi huactarca. Shina huactacpimi, yacu caiman chaiman montonaricpi, paicunaca chaquishca allpata pasarca.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.

1 SAMUEL 28:13

—¿Ima nishpatac umarcangui? ¡Canca Saulmari cangui!— nirca. Shina nicpimi, jatun mandacca: —Ama manchaichu. ¿Imatatac ricungui?— nirca. Shina nicpimi, chai huarmica: —Allpamanta dioscuna llucshicuctami ricuni— nirca.

1 REYES 19:19

Chai urcumanta rishpami, Eliasca Safatpac churi Eliseo chunga ishcai yuntacunahuan yapucucman chayarca. Shuc yuntapica paillatacmi tucuipac huashata caticurca. Eliasca Eliseopac ñaupata rishpami, pai jahualla churarishcata Eliseopac jahuapi shitarca.

2 REYES 1:7

Shina nicpimi, jatun mandacca: —Cancunahuan tupashpa, chashna nic runaca, ¿imalayatac carcayari?— nirca.