1 SAMUEL 27:9 - Dios Rimashcata Quillcashcami

⁹ Davidca chai llactapi causaccunataca caricunata, huarmicunata huañuchishpami, ovejacunata, vacacunata, burrocunata, camellocunata, churanacunata apashpa Aquispacman cutirca.

1 SAMUEL 27:9 Referans Kwoze

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.

1 SAMUEL 15:7

Saulca amalecitacunataca Havila llactamantaca Shur llactacamanmi huañuchirca. Shur llactaca Egiptomanta inti llucshic ladomanmi carca.

JOSUÉ 6:21

Chaiman yaicushpaca, chaipi tucui causaccunatami espadahuan huañuchishpa, caricunatapish, huarmicunatapish, quipa huiñaicunatapish, yuyaccunatapish tucuchirca. Chashnallatac huagracuna, ovejacuna, burrocunacamanmi tucuchirca.

ÉXODO 15:22

Moisés israelcunata Puca Cuchamanta pushacpica, shitashca Shur pambamanmi rirca. Chaipi quimsa punzhata, maipi yacuta mana tarishpa puricushpami, Mara pambaman chayarca.

GÉNESIS 25:18

Ismaelpac huahua huahuacunaca Asiria llactamanta rina Egipto chimba ladopi cac Havila llactamanta Shur llactacamanmi causarca. Ismaelca tucui paipac huauquicunapac ñaupapimi huañurca.

GÉNESIS 16:7

Chashna rishpa, Shur shitashca pambaman rina ñan ladopi tiyac yacu jundu ladota ricucpimi, Mandac Dios cachashca ángel tupashpaca:

1 SAMUEL 15:8

Amalecitacunata jatun mandac Agagtaca causacta prezushpami, tucui gentecunataca espadahuan huañuchirca.

JOB 1:3

Paipac haciendapica canchis huaranga ovejacunata, quimsa huaranga camellocunata, pichca patsac yunta huagracunata, pichca patsac burrocunata shinallatac achca serviccunatami charirca. Inti llucshina ladopi causaccunapurapica paimi tucuita yalli chayuc carca.