1 SAMUEL 27:12 - Dios Rimashcata Quillcashcami

¹² Ashtahuanpish Aquisca David ima nishcatapish crishpami: «Davidca Israel llactapica piñai tucushcami. Shina cashpaca, huiñaitami ñucata servic canga» nirca.

1 SAMUEL 27:12 Referans Kwoze

1 SAMUEL 13:4

Israelcunaca: «Saulca urcupi cuidacuc filisteo soldadocunahuanmi macanacushpa atishca. Chaimantami filisteocunaca israelcunata mana ricunayachicun» nictami uyarcacuna. Shina cashcamantami israelcunaca Saulta catingapac Gilgal pueblopi tandanacurca.

GÉNESIS 34:30

Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

ÉXODO 5:21

Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

1 SAMUEL 27:11

Davidca pai llaquichishcata Gat pueblota jatun mandacman ama huillangapac shamuchunmi maijan pueblopi cashpapish caritapish, huarmitapish tucui huañuchirca. Chashnami paica filisteocunapac llactapi causacui punzhacunaca ruhuarca.

1 SAMUEL 28:1

Chai punzhacunallatacmi filisteocunaca israelcunahuan macanacungapac paicunapac soldadocunata tandachirca. Chaipimi Aquisca Davidtaca: —Canca cambac runacunandi ñucahuan tandanacushpami, macanacuiman rina cangui. Chaitaca canllatacmi alli yachangui— nirca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.