1 SAMUEL 26:25 - Dios Rimashcata Quillcashcami

²⁵ Shina nicpimi, Saulca Davidtaca: —¡Ñuca huahua Davidlla, canca alli nishcami cangui! Canca ima jatun ruhuaicunatapish allita ruhuashpami tucuita mishangui— nirca. Chai quipaca Davidca ñanta japishpa rircallami. Saulpish paipac huasiman cutircallami.

1 SAMUEL 26:25 Referans Kwoze

PROVERBIOS 26:25

Canhuan apanacuc tucushpa rimacpica, ama cringuichu. Chaica, paipac shungupica canchis jatun millanayai yuyaicuna jundami.

1 SAMUEL 24:19

Shuc runa paita piñacta paipac maquipi charicushpaca ¿Mana imata ruhuashpa richun cacharishpa cachanmanllachu? ¡Cunan punzha ñucata can mana huañuchishcamantaca Mandac Diosllatac canman allicunata cuchun!

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

ROMANOS 8:35

¿Pitac ñucanchictaca Cristopac cuyaimantaca anchuchinga? ¿Llaquicuna? ¿Yarcai? ¿Llaquichishpa caticcuna? ¿Churana illai? ¿Huañui, mana cashpaca espada?

OSEAS 12:4

Jacoboca angelhuan macanacushpa mishashpaca, yallita huacashpami mañarca. Jacoboca Bet-elpimi Dios-huan tuparca.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

1 SAMUEL 24:22

Shina nicpimi, Davidca Saulman ari nirca. Chai quipaca Saulca paipac huasiman cutircami. Shinallatac Davidpish paipac runacunandimi miticushcallamanta cutirca.

1 SAMUEL 24:20

Cunanca can mandac tucunatapish allimi yachani. Israelcunata mandanaca cambac maquipimi huiñaita alli canga.