1 SAMUEL 26:12 - Dios Rimashcata Quillcashcami

¹² Shina nishpami Davidca lanzatapish, jarrotapish, Saulpac uma ladomanta apashpa rirca. Chaitaca pipish mana ricurcachu, mana ricsircachu. Cuidaccunapish mana sintircacunachu. Mandac Dios yallita sueñuchicpimi, tucui mashna munai sueñucurca.

1 SAMUEL 26:12 Referans Kwoze

GÉNESIS 2:21

Chaimantami Mandac Diosca Adanta yallita sueñuchishpa, shuc costillasta llucchishpa, aichataca allichirca.

GÉNESIS 15:12

Ña inti tigrashca quipa, Abram yallita sueñucucpimi, yallita amsayashpa tutayarca. Chaimantami paica yalli mancharicurca.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ESTER 6:1

Chai tutami jatun mandacca sueño pitiricpi mana sueñui pudirca. Chaimantami jatun mandac imata ruhuashcacunata yuyaringapac quillcashcata apamushpa, paipac ñaupapi rezachun mandarca.

1 SAMUEL 26:7

Shinami Davidpish, Abisaipish chai tutallatac soldadocunapacman rirca. Saulca paipac lanzata uma ladopi shayachishpami carpa huasipi sueñucurca. Cutin Abnerpish, soldadocunapish, Saulpac muyundipimi sueñucurcacuna.

1 SAMUEL 24:4

Chaipimi Davidpac runacunaca: —Cunan punzhami Mandac Dios: “Canta piñaccunataca cambac maquipimi churasha. Paitaca can imata munashcata ruhuangui” nishcaca pactashca— nirca. Shina nicpimi, Davidca jatarishpa Saulpac jahualla churanata upalla ashata pitirca.

1 SAMUEL 26:13

Davidca shuc ladoman pasashpa, caruman tucushpami shuc lomapi shayarirca. Chai lomaca paicunamanta carupimi carca.