1 SAMUEL 25:7 - Dios Rimashcata Quillcashcami

⁷ Cantaca ovejata rutucuctami uyarcani. Cunanpish cambac ovejacunata michiccunaca ñucanchic-huanmi carca. Paicunataca ima llaquita mana ruhuashcanchicchu. Tucui punzhacuna Carmel pueblo ladopi michicucpica, paicunamanca imapish mana illarcachu.

1 SAMUEL 25:7 Referans Kwoze

1 SAMUEL 25:21

Davidca: «Shitashca pambapi tucui imata chai runa charishcataca yangami cuidacushcani. Pai charishcacunaca imapish mana chingarishcachu. Paiman allita ruhuashcamantaca mana allitami ñucamanca ruhuan.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

2 SAMUEL 13:23

Ishcai huata quipami Absalonta serviccunaca Efrainpac pueblo cuchulla Baal-hazor pambapi ovejacunata rutucurca. Chaipimi Absalonca tucui jatun mandacpac churicunata cayashpa jatun micuita ruhuarca.

2 SAMUEL 13:24

Chaipimi Absalonca jatun mandac Davidpacman rishpaca: —Canta servic ñucami ovejacunata rutuchicuni. Chaimanta can jatun mandacpish, can churashca mandacpish, canta serviccunapish ñuca huasiman shamuichic— nirca.