1 SAMUEL 25:30 - Dios Rimashcata Quillcashcami

³⁰ Mandac Dios ñuca mandacman pactachishami nishcata pactachishpa, israelcunata mandachun churashpaca,

1 SAMUEL 25:30 Referans Kwoze

1 SAMUEL 13:14

Ashtahuanpish cunanca mana unaitachu mandangui. Canta Mandac Dios mandashcata mana cazushcamantaca pai munashca shina causac runatami pai acllashcacunata mandachunca churanga— nirca.

SALMOS 89:20

Ñucata servic Davidta japishpami, ñucapaclla cachun aceitehuan cahuircani.

1 SAMUEL 23:17

Jonatanca: —Ama manchaichu, ñuca taita Saúl canta mashcacushpapish mana taringachu. Canmi israelcunata jatun mandac tucungui. Ñucaca cambac catic mandacmi tucusha. Chaitaca ñuca taita Saulpish allimi yachan— nirca.

1 SAMUEL 15:28

Shina lliquiricpimi Samuelca: —Mandac Diosca can chashna lliquishca shinami Israel llactata can mandanata quichushpa cambac ricsishca canta yalli ashtahuan alli runaman curca.

1 SAMUEL 25:31

ñuca mandaclla, mana faltayucta huañuchishpa yahuarta jichashcamanta, cambac quiquin maquihuan canta piñaccunata mana llaquichishcamantaca mana shungupi llaquiringuichu. Mandac Dios ñuca mandacman allita ruhuacpica, canta servic ñucata yuyaringui— nirca.

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

1 SAMUEL 24:21

Cunanca ñuca huañushca quipa, ñuca huahua huahuacunata mana tucuchingapac, ñuca taitapac huasi ucupuramanta ñuca shutita mana chingachingapac Mandac Diosmanta ari ni— nirca.